នគរបាលក្រុងក្រចេះបង្ក្រាបមុខសញ្ញាក្នុងអំពើរលួចយ៉ាងសកម្ម ។ បុរសជើងខ្លាំងសាក់ពេញខ្លួនម្នាក់ជំនាញខាងលួចត្រូវអស់លក្ខណ៍ជាប់អន្ទាក់ប៉ូលិសក្រុងក្រចេះបន្ទាប់ពីជននេះបានធ្វើសកម្មលួចជាលើកចុងក្រោយពីរកន្លែងស្ទួនៗកាល ពីថ្ងៃទី២៥ តុលា នៅសង្កាត់អូរឬស្សី ក្រុងក្រចេះ។ អធិការនគរបាលក្រុងក្រចេះលោកវរសេនីយ៍ទោ នេត លីន បានបញ្ជាក់ថា ក្នុងអំពើរលួចជាលើកចុងក្រោយ ជនល្មើសលួចកាបូបលុយនិងទូរសព្ទរបស់ជនរងគ្រោះ ហើយសម្ភារទាំងនោះក៏ត្រូវនគរបាលដកហូតបាន។ លោកអធិការបញ្ជាក់ថា ជនសង្ស័យត្រូវឃាត់ខ្លួនរូបនេះឈ្មោះអ៊ូ ចាន់ឌី រស់នៅឃុំពង្រ ស្រុកឆ្លូង ខេត្តក្រចេះ។
