តាកែវ: ព្រះសង្ឃមួយអង្គ បានធ្វើអត្តឃាត ដោយលោតពីលើដងទង់ ដែលមានកម្ពស់ ប្រហែល៥០ម៉ែត្រ បង្កអោយមានការភ្ញាក់ផ្អើលមួយបានកើតឡើងនៅក្នុងវត្តសម្ដេចពាន់ ស្ថិតក្នុងឃុំក្ដាញ់ ស្រុកព្រៃកប្បាស កាលពីល្ងាចថ្ងៃទី២០ ខែតុលាឆ្នាំ២០១។
លោក ជុំឈឿន អធិការស្រុកព្រៃកប្បាសបានអោយដឹងថា ភិក្ខុដែល្វើអត្តឃាតមានព្រះនាម ម៉េង សាម៉ីឌី មានព្រះជម្មាយុ២៤ព្រះវស្សា ដែលគង់ចាំព្រះវស្សាក្នុងវត្ត ស្ថិតក្នុងភូមិឃុំកើតហេតុខាងលើ បានឡើងទៅលើដងទង់នៅក្នុងវត្តដែលមានកម្ពស់ប្រហែល៥០ម៉ែត្រ រួចលោតចុះមកក្រោមបណ្ដាលអោយសុគត ។
ក្នុងហេតុការណ៍នេះមិនមានអ្នកណាដឹងថាព្រះសង្ឃនោះមានវិបត្តិអ្វីនោះទេ ទើបបានជាធ្វើអត្តឃាតបែបនេះ ។
អ្នកឃើញហេតុការណ៍បាននិយាយប្រាប់សមត្ថកិច្ចថា មុនពេលកើតហេតុគេឃើញព្រះសង្ឃខាងលើបានកាន់កាំបិតផ្គាក់មួយដើម រួចនិមន្តឡើងទៅលើដងទង់នោះ។ ពេលឡើងលើទៅដល់ក៍ស្រែកថា លាហើយអ្នកទាំងអស់គ្នា រួចលោតចុះមកក្រោមបណ្ដាលអោយសុគតតែម្ដង ៕
