លោក ជុន លឹមហាន កំពុងរងការរិះគន់ពីការជម្រិតទារប្រាក់ពីឈ្មួញ នាំទំនិញខូចគុណភាព និងគេចពន្ឋ ផ្លូវជាតិលេខ៤គឺជាប្រភពសេដ្ឋកិច្ចដ៏ធំផងដែរក្នុងប្រទេសកម្ពុជា ។ ដែលលោកជុនលឹមហានដេញថៃ្លបាន ដើម្បីបានសិទ្ឋិក្តោបក្តាប់ផ្លូវជាតិលេ ខ៤នេះហើយមានមន្ត្រីជាច្រើស្រក់ទឹកមាត់ចង់ មកកាន់កាប់ផ្លូវជាតិលេខ៤នេះផងដែរ ។
លោក ជុន លឹមហាន បានដឹកកម្លាំងរបស់រួមមានឈ្មោះគង្គារផងដែរក្នុងប្រដេញ ចាប់ឡាដឹកឈើដល់ទៅផ្លូវជាតិ លេខ ២១ បេ ក្នុងស្រុកស្អាងខេត្តកណ្តាលបំពានទៅលើលិខិ តបេសកម្មរបស់អគ្គស្នងការនគរបាលជាតិ។ក៏ព្រោះលោកជុនលឹមហានចង់បាន មុខមាត់និង ការជឿទុកចិត្តពីថ្នាក់លើ។
លោក ជុន លឹមហាន បានឡើងតំណែងជាប្រធានប្រតិបត្តិនៃក្រសួងមហាផៃ្ទផ្លូវជាតិលេខ៤ ក្នុងខេត្ត ព្រះសីហនុនិងកំពង់ស្ពឺបានចាប់តាំងមន្ត្រីក្រោមឳវាទដើរជម្រិត ទារប្រាក់ពីអ្នករកស៊ីទំនិញគេចពន្ឋ និងដាក់កុងត្រូលជជុះនៅចំណុចភ្នំស្រួចចាប់រាប់ក្បាលឡានដឹកទំនិញ ទាំងតូច-ធំឲ្យចូលបង់លុយមិនខ្វល់ពីការកែទម្រង់ដ៏ស៊ីជម្រៅរបស់ តេជោឡើយ។
សេចក្តីរាយការណ៏បានឲ្យដឹងថាទំនិញមកពីខេត្តកោះកុងនិង ព្រះសីហនុសម្រាប់រថយន្តតូចប្រភេទកាមរីទួរីសឬរថយន្តកូរ៉េចំណុះពី តោនកន្លះក្រុម នគរបាលក្រសួងមហាផៃ្ទដែលដឹកនាំដោយលោក ជុន លឹមហាន បានបង្ខំឲ្យពួកគេបង់លុយចាប់ពី៣០០០០ទៅ៤០០០០រៀលហើយបើប៉ះចំ រថយន្តដឹកជញ្ជូនម្ហូបអាហារមានជាតិពុល ដូចជាជង្គង់មាន់សាច់មាន់ដែលដឹកជញ្ជូនម្ហូបអាហារមកពីស្រុកសៀមតាម ខេត្តកោះកុង ជាប្រភេទទំនិញខុសច្បាប់ ត្រូវមន្ត្រីនគរបាលសេដ្ឋកិច្ចក្រោមបញ្ជារបស់លោក ជុន លឹមហាន ធើ្វការគាបសង្កត់ឲ្យបង់លុយទៅតាមតែអំពើចិត្តរបស់ពួកគេមិនដែលមាន ការលើកលែងឡើយ។
កូនចៅលោកជុនលឹមហានបានដាក់កុងត្រូលជជុះនៅតាមផ្លូវជាតិលេខ៤ យ៉ាងហោចណាស់២ទៅ៣កន្លែងគឺស្ថិតនៅភូមិសាស្ត្រខេត្តកំពង់ស្ពឺនិង ក្នុងភូមិសាស្ត្រខេត្ត ព្រះសីហនុទីដែលមានសកម្មភាពដឹកជញ្ជូនយ៉ាងគគ្រឹកគគ្រេងទាំងយប់ទាំង ថៃ្ង។ ហើយនៅតាមប៉ុស្តិ៏ជជុះទាំងពីរបីកន្លែងនេះ មានរថយន្តត្រៀមប្រដេញឡានដឹកទំនិញដែលភ្លេចចូលបង់លុយឬបើកហួស ប៉ុស្តិ៏។
លោកជុនលឹមហានមានទំនាក់ទំនងជាមួយឈ្មួញធំៗដែលមានរថយន្ត ដឹកទំនិញប្រភេទខ្សែមកពីច្រកស្រែអំបិលកែវផុសស្ទឹងហាវ ទំនប់រលក និងទំនិញមួយចំនួនទៀត ដែលនាំចូលមកពីច្រកអន្តជាតិចាំយាមខេត្តកោះកុង ឬច្រកកំពង់ផែអន្តរជាតិខេត្តព្រះសីហនុដែលមានភាពមិនប្រក្រតីបង់ព ន្ឋមិនគ្រប់ចូលថវិកាជាតិ។ ពពួកក្រុមឈ្មួញត្រូវតែទំនាក់ទំនងសុំការយោគយល់ឬចរចារបញ្ហាផល ប្រយោជន៏ណាមួយដើម្បីកុំឲ្យលោក ជុន លឹមហានចាប់កំហុស ឬរំខានដល់ការ ដឹកទំនិញរបស់ពួកគេ(ឈ្មួញ)។ លោក ជុន លឹមហាន ក្នុងមួយខែៗរាប់ម៉ឺនដុល្លារដែលទទួលលាភសក្ការៈ ពីពួកឈ្មួញដឹកទំនិញគេចពន្ឋ និងខូចគុណភាព ។
ក្រោយពីការរឹតបន្តឹងលើការប្រមូលពន្ឋគេសង្កេតឃើញក្រុមឈ្មួញ ធំៗ នៅតែមានឱកាស នាំចូលទំនិញ បង់ពន្ឋមិនគ្រប់យ៉ាង គគ្រឹកគគ្រេងដដែលជាហេតុនាំឲ្យមតិជាតិ-អន្តរជាតិអស់ជំនឿ លើការកែទម្រង់ របស់រដ្ឋាភិបាលអាណត្តិទី៥នេះក្រោមការដឹកនាំរបស់សម្តេច នាយករដ្ឋមន្ត្រីហ៊ុនសែន ៕
