តាកែវ៖ កាលពីវេលាម៉ោង ៦ៈ២៥នាទីព្រឹក ថ្ងៃទី១៩ ខែតុលា ឆ្នាំ២០១៦នេះ មានករណីគ្រោះថ្នាក់ចរាចរណ៍ បានកើតឡើង
រវាងរថយន្តដឹកសីុម៉ង់ បើកបុករថយន្តដឹកកម្មករពីក្រោយពេញទំហឹង បណ្តាលឱ្យកម្មុកររងរបួសចំនួន ២២នាក់ (របួសធ្ងន់០៤នាក់ និងរបួសស្រាល១៨នាក់) នៅចន្លោះគីឡូម៉ែត្រ៧៤-៧៥ ភូមិព្រៃរំដេង ឃំុអង្គតាសោម ស្រុកត្រាំកក់ ខេត្តតាកែវ។
ហេតុការណ៍ដែលបណ្តាលឱ្យមានគ្រោះថ្នាក់ខាងលើបណ្តាលមកពីរថយន្តដឹកសីុម៉ង់ បើកជៀសរថយន្តដែលនៅខាងមុខ ក៏ជ្រុលទៅបុករថយន្តដឹកម្មករពីក្រោយតែម្តង។
មន្ត្រី ប.ស.ស ខេត្តបានចុះទៅពិនិត្យហេតុការណ៍ និងបានសម្របសម្រួលបញ្ចូនជនរងគ្រោះទៅសម្រាកព្យាបាលនៅមន្ទីរពិនិត្យព្យាបាល ជា សុខលឹម ចំនួន ២១នាក់ និង ០១នាក់ទៀត សម្រាកព្យាបាលនៅមន្ទីរពេទ្យបង្អែកខេត្តតាកែវ។
