បាត់ដំបង៖ កាលពីថ្ងៃទី ០៦ ខែតុលា ឆ្នាំ២០១៦ នៅវេលាម៉ោង ២២:២០នាទី កំលាំងផ្នែកយុត្តិធម៌ នៃអធិការដ្ឋាន នគរបាលស្រុកឯកភ្នំ ដឹកនាំដដោយ លោកវីរៈសេនីយ៍ត្រី ស៊ាន សុណាល់ បានចុះប្រតិបត្តិការល្បាតនៅតាមផ្លូវសាធារណៈ លុះល្បាតដល់គល់ស្ពានដូនទាវ ស្ថិតនៅក្នុងក្រុមទី1 ភូមិដូនទាវ ឃុំពាមឯក ស្រុកឯកភ្នំ ខេត្តបាត់ដំបង
កំលាំងស្នងការដ្ឋានស្រុក ក៏បានជនសង្ស័យ ចំនួន០២ នាក់ កំពុងបើកបររថយន្ត ការី(CAMRY) ពណ៌ស ពាក់ស្លាកលេខ ភ្នំពេញ 2K-2327 ដោយមានការសង្ស័យ កំលាំងស្នងការដ្ឋានស្រុក ក៏បានឃាត់សុំធ្វើការត្រួតពិនិត្យឆែកឆេរលើរថយន្ត និងជនសង្ស័យ រកឃើញនូវផ្សៅក្រាម ពណ៌ស្រអាប់ ច្រកក្នុងកូនថង់ប្លាស្ទិកពណ៌សថ្លា ចំនួន ០១ថង់ សង្ស័យមានសរធាតុ ញៀន កំលាំងស្នងការដ្ឋានស្រុក ក៏បានធ្វើការចាប់ឃាត់ខ្លួន ជនសង្ស័យទាំង០២ នាក់។
ជនសង្ស័យទី1 ឈ្មោះ សុះ ហារ៉ូន ភេទប្រុស អាយុ២៨ ឆ្នាំ មានទីលំនៅភូមិឥស្លាម សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់
02 ឈ្មោះ គឹម វណ្ណារ៉ា ភេទស្រី អាយុ២៧ ឆ្នាំ រស់នៅភូមិ ឥស្លាម សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់ (ត្រូវជាប្រពន្ធ)
ក្នុងនោះដកហូតវត្ថុតាងរួមមាន៖
– ថ្នាំញៀនប្រភេទមេតំហ្វេវីតាមីន ( ម៉ាទឹកកក ICE ) ចំនួន ០១ ថង់ ទម្ងន់ ៤,៤៣ក្រាម(ទាំងសំបក)
– ទូរស័ព្ទដៃចំនួន ០៣គ្រឿង, ដែកកេះចំនួន ០២, បំពុងប៉ឺតចំនួន ០៧,ថង់ទុកសម្រាប់រំលេកថ្នាំញៀនលក់ចំនួន ០៣ , កូនកាំបិតចំនួន ០១, កញ្ចប់បារីចំនួន ០១
– រថយន្តចំនួន ០១គ្រឿង ម៉ាកកាមរី( CAMRY )ពណ៌ស ស៊េរីឆ្នាំ ២០០២ ពាក់ស្លាកលេខ ភ្នំពេញ 2K-2327
ចំនែកឯ ជនល្មើស និងវត្ថុតាង បច្ចុប្បន្នស្នងការដ្ឋាននគរបាល ខេត្តកំពុងកសាង ណុំរឿងបញ្ជូនទៅតុលាការ។
