ខេត្តបាត់ដំបង៖ អាវុធហត្ថខេត្តបាត់ដំបងឃាត់ខ្លួន ជនសង្ស័យប្រុសស្រី៥នាក់ បន្តបន្ទាប់ ដកហូតថ្នាំញៀន១០កញ្ចប ទម្ងន់១០,២៤ក្រាម នៅវេលាម៉ោង ២១ និង ៣០ នាទី ថ្ងៃទី ៥ ខែតុលា ឆ្នាំ ២០១៦ ត្រង់ចំណុចផ្ទះសំណាក់ វលក្ខណ៍ ស្ថិតក្នុងភូមិ កម្មករ សង្កាត់ ស្វាយប៉ោ ក្រុង/ខេត្ត បាត់ដំបង។ ការិយាល័យជំនាញបានបន្តឃាត់ខ្លួនជនសង្ស័យ ០២ នាក់បន្ថែមទៀត ដែលជាមេក្លោងរបស់ឈ្មោះ ឆន សុភ័ក្រ ទី១ ឈ្មោះ ហេង ចំរើន ភេទ ប្រុស អាយុ ២៨ ឆ្នាំ មុខរបរ គ្មាន ទីលំនៅភូមិ រតនះ សង្កាត់ រតនះ ក្រុង បាត់ដំបង ខេត្ត បាត់ដំបង ទី២ ឈ្មោះ ចាន់ ស្រីនាង ភេទ ស្រី អាយុ ២១ ឆ្នាំ មុខរបរ គ្មាន ទីលំនៅភូមិ ក្តុល សង្កាត់ ក្តុលដូនទាវ ក្រុង បាត់ដំបង ខេត្ត បាត់ដំបង ។
វត្ថុតាងដែលដកហូតបានរួមមាន ១-គ្រឿងញៀនម៉ាទឹកកក ចំនួន ០៣ កញ្ចប់ ទម្ងន់ ៨,៨០ ក្រាម ២-ទូរស័ព្ទដៃ ០៣ គ្រឿង ៣-ម៉ូតូ ០១ គ្រឿងម៉ាក អាយខន ពណ៌ ស គ្មានផ្លាកលេខ។
បច្ចុប្បន្នជនសង្ស័យ និងរួមជាមួយវត្ថុតាងកំពុងឃាត់ខ្លួននៅការិយាល័យជំនាញ ដើម្បីកសាងសំណុំរឿងបញ្ចូនទៅតុលាការ។
ករណីទី២ ក្រោយទទួលចម្លើយជនសង្ស័យ២នាក់ ខាងលើសមត្ថកិច្ចស្រាជ្រាវ នៅម៉ោង ១៣ និង ៣០ នាទី ថ្ងៃទី ០៥ ខែ តុលា ឆ្នាំ ២០១៦ ត្រង់ចំណុចផ្ទះសំណាក់ ហេង ឃុន ស្ថិតក្នុងភូមិ រំចេក៣ សង្កាត់ រតនះ ក្រុង បាត់ដំបង ខេត្ត បាត់ដំបង កម្លាំងការិយាល័យជំនាញបានធ្វើការឃាត់ខ្លួនជនសង្ស័យចំនួន ០៣ នាក់បន្ថែមទៀត។
ជនសង្ស័យដែលអាវុតហត្ថឃាត់ខ្លួនបាន ទី១-ឈ្មោះ ឆន សុភ័ក្រ ភេទ ប្រុស អាយុ មុខរបរ ជាងជួសជុលរថយន្ត ទីលំនៅភូមិ ទួលតាឯក សង្កាត់ ទួលតាឯក ក្រុង/ខេត្ត បាត់ដំបង ទី២-ឈ្មោះ ស៊ិន សុខហ៊ី ភេទ ប្រុស អាយុ ២៦ ឆ្នាំ មុខរបរ លក់ដូរ ទីលំនៅភូមិ ១៣មករា សង្កាត់ ព្រែកព្រះស្តេច ក្រុង/ខេត្ត បាត់ដំបង និងទី៣-ឈ្មោះ មុត ម៉ារ៉ាឌី ភេទ ស្រី អាយុ ២៥ ឆ្នាំ មុខរបរ បំរើខារ៉ាអូខេ ទីលំនៅភូមិ ឈើទាល ឃុំ ឈើទាល ស្រុក បាណន់ ខេត្ត បាត់ដំបង រួមជាមួយវត្ថុតាងដកហូតដែលដកហូតបាន ១-គ្រឿញៀនម៉ាទឹកកក ចំនួន ០៧ កញ្ចប់ ទម្ងន់១,៤៤ ក្រាម ២-ទូរស័ព្ទដៃ ០៣ គ្រឿង ៣-ម៉ូតូ ០១ គ្រឿងម៉ាកហុងដាឌ្រីមសេ១២៥ ពណ៌ ខ្មៅ សេរីឆ្នាំ ២០១៥ ផ្លាកលេខ បាត់ដំបង 1U 7592។
បច្ចុប្បន្នជនសង្ស័យ រួមជាមួយវត្ថុតាង កំពុងឃាត់ខ្លួននៅការិយាល័យជំនាញ ៕
