ខេត្តបាត់ដំបង ៖ បុរសជាងដែកម្នាក់ផ្លាស់ប្តូរផ្លែម៉ូទ័រកាត់ដែកខុសបច្ចេកទេស ខ្ទាតចំដើមទ្រូងបណ្តាលឲ្យស្លាប់ភ្លាមៗ កាលពីវេលាម៉ោង ១២និង ០០នាទី ថ្ងៃទី៥ ខែតុលា ឆ្នាំ២០១៦ នៅចំណុចក្រុមទី២៤ ស្ថិតក្នុងភូមិកំពង់ឆ្លង ឃុំវត្តតាមិម ស្រុកសង្កែ ខេត្តបាត់ដំបង។
សមត្ថកិច្ចនរគរបាលស្រុកសង្កែបានប្រាប់អោយដឹងថា បុរសជាងដែករងគ្រោះមានឈ្មោះគី ភឿក អាយុ១៨ឆ្នាំ ស្លាប់ រស់នៅក្នុងភូមិឃុំកើតហេតុខាងលើ។
ប្រភពអ្នកជិតខាងប្រាប់សមត្ថកិច្ចថា ៖ នៅមុនពេលកើតហេតុ គេឃើញជនរងគ្រោះខាងលើនេះ បានប្រើប្រាស់ម៉ូទ័រកាត់ដែកដោយប្តូរផ្លែខុសបច្ចេកទេសដែលមិនមែនជាផ្លែរបស់ម៉ូទ័រយកទៅកាត់ដែក ក៍បានបាក់ផ្លែខ្ទាតចំកណ្តាលដើមទ្រូង បណ្តាលអោយស្លាប់ភ្លាមៗនៅនិងកន្លែងតែម្តងទៅ។
ក្រោយពីធ្វើកោសល្យវិច័យឃើញថាជនរងគ្រោះពិតជាស្លាប់ដោយសារបាក់ផ្លែម៉ូទ័រត្រូវចំដើមទ្រូងប្រាកដមែន បច្ចុប្បន្នសពជនរងគ្រោះត្រូវបានប្រគល់ជូនក្រុមគ្រួសារយកទៅរៀបចំធ្វើបុណ្យតាមប្រពៃណី៕
