ខេត្តបាត់ដំបង ៖ កម្លាំងអធិការដ្ឋាន នគរបាលស្រុកសំពៅលូន សហការជាមួយកម្លាំងប៉ុស្តិ៍ជ្រៃសីមា ឃាត់ខ្លួនបុរស២នាក់ ករណីកាន់កាប់រក្សាទុកនូវសារធាតុញៀននិងដកហូត ថ្នាំញៀនយ៉ាម៉ា១៦គ្រាប់ កាលពីវេលាម៉ោង២៣ និង៤០នាទី យប់ថ្ងៃទី៥ ខែតុលា ឆ្នាំ២០១៦ ស្ថិតនៅត្រង់ចំណុចក្រុមទី០៧ ភូមអូរល្វា ឃុំជ្រៃសីមា ស្រុកសំពៅលូន ឃាត់ខ្លួនជនសង្ស័យ២ នាក់ ។
ជនសង្ស័យដែលនគរបាលឃាត់ខ្លួនបាននោះ ទី១ ឈ្មោះ សែន ទិត ភេទប្រុស អាយុ២៨ ឆ្នាំ និង ទី២ ឈ្មោះ នាង សីហា ភេទប្រុស អាយុ ២៤ឆ្នាំ អ្នកទាំង២នាក់មានទីលំនៅភូមិអូរល្វា ឃុំជ្រៃសីមា ស្រុកសំពៅលូន ដកហូតបានវត្ថុតាងថ្នាំគ្រាប់សង្ស័យមានសារធាតុញៀន៧១៦ គ្រាប់ ម៉ូតូ១ គ្រឿង។
បច្ចុប្បន្ន ជនសង្ស័យ និងវត្ថុតាង ថ្នាំញៀនសមត្ថកិច្ចនគរបាលស្រុកសំពៅលូន កំពុងរៀបចំកសាងសំណុំរឿងបន្តទៅស្នងការដ្ឋាននគរបាលខេត្តបាត់ដំបង ដើម្បីចាត់ការបន្តតាមផ្លូវច្បាប់៕
