ខេត្តកំពង់ស្ពឺ ៖ ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ ជាគណៈបញ្ជាការឯកភាព បញ្ជាឲ្យកម្លាំងកងរាជអាវុធហត្ថខេត្តកំពង់ស្ពឺ សរុបចំនួន៥៣នាក់ ដឹកនាំដោយ ឯកឧត្តម សរ សុពុត្រា អភិបាលរងនៃគណៈអភិបាលខេត្ត រួមជាមួយព្រះរាជអជ្ញារងខេត្តកំពង់ស្ពឺ បានចុះធ្វើការបង្ក្រាបបទល្មើសព្រៃឈើកាលពីថ្ងៃទី០៥ ខែតុលា ឆ្នាំ២០១៦ ដែលស្ថិតនៅក្នុងភូមិសាស្ត្រ ឃុំតាសាល ស្រុកឱរ៉ាល់ ខេត្តកំពង់ស្ពឺ ដោយចាប់យកបានវត្ថុតាងមួយចំនួនរួមមាន ឈើមូលចំនួន១០៣៩ ដុំ។ ហើយឈើទាំងនោះ ត្រូវបានកម្លាំងជំនាញកំពុងធ្វើការវាស់វែង ដើម្បីចងក្រងធ្វើជាឯកសារ ចាត់ការបន្តទៅតាមនីតិវិធីច្បាប់៕
