ខេត្តពោធិ៍សាត់៖ បុរសគិតខ្លីម្នាក់ត្រូវបានម្ដាយប្រទះឃើញចងកធ្វើអាត្តឃាតនៅលើដើមស្នាយខាងជើងផ្ទះ ត្រូវបានគេសង្ស័យថាអន់ចិត្តនិងប្រពន្ធ ខណៈប៉ុន្មានថ្ងៃមុនគេឃើញប្រកែកគ្នារឿងប្រពន្ធសុំលុយទៅលេងស្រុកមុន។
ករណីភ្ញាក់ផ្អើលនេះឡើងកាលពីវេលាម៉ោង២រសៀលថ្ងៃទី០១ ខែតុលា ឆ្នាំ២០១៦ ត្រង់ចំណុចព្រៃអ្នកតាទូកសែខាងជើងផ្ទះចម្ងាយប្រមាណ១០០ម៉ែត្រ ស្ថិតក្នុងភូមិកំពង់ឡ ឃុំកំពង់ពោធិ៍ ស្រុកក្រគរ ខេត្តពោធិ៍សាត់។
សមត្ថកិច្ចប្រាប់ថា បុរសរងគ្រោះត្រូវបានគេស្គាល់ឈ្មោះ ហៀម ចន្ធី អាយុ២០ឆ្នាំ បច្ចុប្បន្នរស់នៅភូមិ-ឃុំកើតហេតុខាងលើ មានប្រពន្ធ គ្មានកូនឈ្មោះ ញុឹក សារុំ ។
បើតាមការរៀបរាប់ពីក្រុមគ្រួសារសពឲ្យដឹងថានមុនពេលកើតហេតុនៅចន្លោះម៉ោងប្រមាណ១០ព្រឹក ឮសម្លេងពួកគេប្រកែកគ្នារឿងប្រពន្ធ(ញុឹក សារុំ)សុំលុយប្តី(ហៀម ចន្ធី)ជនរងគ្រោះដើម្បីទៅលេងស្រុក (ខេត្តបាត់ដំបង) មុនប្តី តែសុំមិនបានទេទើបប្រពន្ធរអ៊ូរទាំច្រើន ធ្វើឲ្យលោកប្តីគិតខ្លីរូបនេះទំនងអាក់អន់ចិត្តក៏ដើរចេញពីផ្ទះ តែពុំមានអ្នកចាប់អារម្មណ៍នោះទេ។ លុះនៅពេលជួបជុំគ្នាហូបបាយស្រាប់តែបាត់រកមិនឃើញ ទើបភ្ញាក់ឡើលឆោឡោដើររកនិងសួរគេឯង ខណៈម្ដាយបង្កើតមិនអស់ចិត្តក៏ដើរទៅរកតាមគំពោតព្រៃ ទើបប្រទះឃើញចង.កនិងក្រម៉ាលើដើមស្នាយស្លាប់យ៉ាងអាណោចអាធ័ម។
ប្រភពដដែលបន្តទៀតថា បន្ទាប់ពីអាជ្ញាធរមានសមត្ថកិច្ចទទួលបានព័ត៌មាននេះ បានចាត់កម្លាំងជំនាញសហការគ្នាចុះដល់កន្លែងកើតហេតុ ដើម្បីធ្វើការពិនិត្យយ៉ាងយកចិត្តទុកដាក់ពុំមានឃើញស្លាកស្នាមអ្វីគួរឲ្យកត់សំគាល់ ឬជាប់ពាក់ព័ន្ធករណីឃាតកម្មនោះទេ ទើបសន្និដ្ឋានថា ស្លាប់បណ្ដាលមកពីចងកធ្វើអត្តឃាត និងប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី៕
