សៀមរាប៖ កាលពីវេលាម៉ោង១៩ និង៣០នាទី ថ្ងៃទី០១ ខែតុលា ឆ្នាំ២០១៦ នៅភូមិចុងកៅស៊ូ សង្កាត់ស្លក្រាម ក្រុង-ខេត្តសៀមរាប មានករណីរំលោភសេពសន្ថវៈទៅលើក្មេងស្រីរងគ្រោះឈ្មោះ ល . រ អាយុ១៥ឆ្នាំ ស្នាក់នៅភូមិជន្លង់ សង្កាត់សាលាកំរើក ក្រុង-ខេត្តសៀមរាប។លោកវរសេនីយ៍ឯក ភឹង ចិន្តារ៉េត ស្នងការរង ជាប្រធានការិយាល័យកណ្ដាលព្រហ្មទណ្ឌ នៃស្នងការដ្ឋាននគរបាលខេត្តសៀមរាប បានឲ្យដឹងថា ជនសង្ស័យមានឈ្មោះ ម៉ៅ ដារ៉ា ភេទប្រុស អាយុ៣១ឆ្នាំ ស្នាក់នៅភូមិចុងកៅស៊ូ សង្កាត់ស្លក្រាម ក្រុង-ខេត្តសៀមរាប ជនសង្ស័យខាងលើត្រូវបានសមត្ថកិច្ចនគរបាលឃាត់ខ្លួនបានភ្លាមៗផងដែរ បន្ទាប់ពីក្មេងស្រីរងគ្រោះស្រែកឲ្យជួយ។ បច្ចុប្បន្នជនសង្ស័យសមត្ថកិច្ចនគរបាលកំពុងធ្វើការសាកសួរនៅស្នងការដ្ឋាននគរបាលខេត្តនៅឡើយ។
