កំពង់ឆ្នាំង៖ កាលពីថ្ងៃទី២២ ខែកញ្ញា ឆ្នាំ២០១៦ វេលាម៉ោង ០៦ៈ៤៥នាទី នៅចន្លោះបង្គោលគីឡូម៉ែត្រលេខ ៤៦-៤៧ មានករណីគ្រោះថ្នាក់ចរាចរណ៍បង្កឡើងដោយ ឡានកុងតាន័រ បើកបរក្នុងទិសដៅបញ្ច្រាស់គ្នា បានបើកមកបុកម៉ូតូជនរងគ្រោះ ជិះពីរនាក់ប្តីប្រពន្ធ បណ្តាលឱ្យស្លាប់ភ្លាមៗ ទាំងពីរនាក់ប្តីប្រពន្ធនៅកន្លែងកើតហេតុយ៉ាងគួរឱ្យសង្វែក។ ជនរងគ្រោះជាកម្មការិនីមានឈ្មោះ ហុិន ឌីណា ភេទស្រី អាយុ ៣៩ឆ្នាំ ធ្វើការនៅរោងចក្រ តឹក ហ្វុក ស្ថិតនៅភូមិឧញ្ញាប៉ាង ឃុំសង្វែក ស្រុកកំពង់ត្រឡាច ខេត្តកំពង់ឆ្នាំង។ ក្រោយពេលកើតហេតុ មន្ត្រី ប.ស.ស បានបញ្ជូនសពជនរងគ្រោះទៅលំនៅស្ថាន ដើម្បីធ្វើបុណ្យតាមប្រពៃណី។
ជនរងគ្រោះត្រូវទទួលបានប្រាក់សោហ៊ុយបូជាសព ចំនួន ៤,០០០,០០០លានរៀល និងអត្ថប្រយោជន៍ផ្សេងទៀត ដែលមានចែងនៅក្នុងច្បាប់ស្តីពីរបបសន្តិសុខសង្គមសម្រាប់ជនទាំងឡាយដែលស្ថិតនៅក្រោមបទបញ្ញត្តិនៃច្បាប់ស្តីពីការងារ។
