ខេត្តរតនគិរី៖ មនុស្សម្នាក់បានស្លាប់ដោយសារទៅជីកត្បូងនៅស្រុកបកែវ។
លោក ជួប វណ្ណារក្ស អធិការនគរបាលស្រុកបកែវ បានឲ្យដឹងថា នៅវេលាម៉ោង១២ថ្ងៃត្រង់ ថ្ងៃទី២១ ខែកញ្ញា ឆ្នាំ២០១៦ មានករណីអ្នកជីកត្បូងម្នាក់មិនប្រយ័ត្នបានបាក់ដីសង្កត់ពីលើបណ្តាលឲ្យស្លាប់ភ្លាមៗនៅកន្លែងកើតហេតុ។
លោកថា ជនរងគ្រោះមានឈ្មោះ រមាម ភួយ ភេទប្រុសអាយុ ២៥ឆ្នាំជនជាតិទំពួន មានទីលំនៅភូមិត្រុំ ឃុំឡាមិញ ស្រុកបកែវ ខេត្តរតនគិរី ដោយគាត់ទៅជីកត្បូងក្នុងដីចំការកៅស៊ូ លោក វិនស្ថិតក្នុងភូមិ-ឃុំកើតហេតុខាងលើ។
បន្ទាប់ពីបានធ្វើកោសល្យវិច្ឆ័យរួចមក នគរបាលស្រុកបកែវ បានប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណីជនជាតិដើមភាគតិច ៕
