ខេត្តកណ្តាល ៖ បុរសចំណាស់ម្នាក់ ចង.កសម្លាប់ខ្លួន ដោយមិនដឹងមូលហេតុ ។ ហេតុការណ៍នេះ បានកើតឡើង នៅថ្ងៃទី២១.០៩.២០១៦ វេលាម៉ោង១៤.១៥នាទីនៅចំណុចរោងចំបើង ក្រោយផ្ទះជនរងគ្រោះ ភូមិក្បាលស្ពាន ឃុំភ្នំបាត ស្រុកពញាឮ ខេត្តកណ្តាល ។
ជនរងគ្រោះឈ្មោះកង លន់ ភេទប្រុសអាយុ៧៣ឆ្នាំ ជនជាតិខ្មែរ មុខរបរ កសិករនៅភូមិកើតហេតុ ។សភាពរឿងហេតុ ៖ នៅថ្ងៃខែកើតហេតុខាងលើឈ្មោះ រី សំបូរ ភេទស្រី អាយុ ៤០ឆ្នាំ ដែលត្រូវជាកូនប្រសាររបស់ជនរងគ្រោះបានដើរទៅយកចំបើងឲ្យគោសុីនៅរោងចំបើងខាងក្រោយផ្ទះស្រាប់តែឃើញជនរងគ្រោះចងកនៅក្នុងរោងចំបើង ។
ពេលនោះបានមកប្រាប់បងប្អូនផ្អើលឆោឡោរួចហើយ រាយការណ៍មក ប៉ុស្តិ៍ក្រោយទទួលព័ត៌មាន កម្លាំងជំនាញ បច្ចេកទេស បានចុះទៅដល់ ចំណុចកើតហេតុដោយមានការចូល រួមពីអាជ្ញាធរមូលដ្ឋាន និងមន្ត្រីជំនាញធ្វើការពិនិត្យខ្លួនសពឃើញថា ពុំមានស្លាកស្នាមអ្វីទេ ជនរងគ្រោះពិតជាស្លាប់ដោយសារចងក ពិតប្រាកដមែន ។
មន្ត្រីជំនាញបានប្រគល់ជូនក្រុមគ្រួសារជនរងគ្រោះ ដើម្បីយកទៅធ្វើបុណ្យតាមប្រពៃណី។
