បាត់ដំបង ៖ នៅព្រឹកថ្ងៃទី១៩ ខែ កញ្ញា ឆ្នាំ២០១៦ នេះឧត្តមសេនីយ៍ទោ ស ថេត ស្នងការនៃស្នងការដ្ឋាននគរបាលខេត្តបាត់ដំបង បានចាត់តាំងឲ្យមានការហ្វឹកហាត់ដល់កងកម្លាំងនគរបាល ជំនាញ( ទប់ស្កាត់និងបង្ក្រាបបាតុកម្ម) ចំណុះស្នងការដ្ឋាន ដែលមាន មន្ត្រី្តនគរបាលចំនួន ១០០ នាក់ជាបុរស ។ ឧត្តមសេនីយ៍ស្នងការបានមានប្រសាសន៍ថា អនុវត្តតាមអនុសាសន៍របស់ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ ការហ្វឹកហាត់ នេះគឺជាសកម្មភា ពធម្មតារបស់នគរបាលជាតិ មិនថាប្រទេស ណាឬប្រទេសណាទេ ហើយមានតែការហ្វឹកហាត់ជាប្រចាំបែបហ្នឹងទើប ធ្វើឲ្យសកម្មភាពនិងឥរិយាបថរបស់កងកម្លាំងនគរបាល មាន ភាពស្វាហាប់និងរស់រវើក ។ លោកវរសេនីយ៍ឯក ទៀប រី នាយការិយាល័យនគរបាលការពារនិងអន្តរាគមន៍នៃស្នងការដ្ឋានបានមានប្រសាសន៍ថា ការហ្វឹកហាត់នេះតម្រូវឲ្យធ្វើចំនួន ០៣ លើកក្នុងរយៈពេលមួយខែ ហើយលោកត្រូវជ្រេីសរើសយកមេរៀននិងបទពិសោធន៍ ល្អៗ ហើយមានសារសំខាន់ មកធ្វើការហ្វឹកហាត់ដល់កង កម្លាំងនគរបាល ។ លោកបន្តថា ការហ្វឹកហាត់ជាទៀង ទាត់ធ្វើឲ្យនគរបាលមានភាពរឹងមាំទាំងជំនាញ និងកាយសប្បទា ក្រៅពីនោះ ការគោរពវិន័យគឺជាកត្តាចាំបាច់និងសំខាន់បំផុតបើនគរបាលមិនគោរពវិន័យទេ ភាពបរាជ័យប្រាកដជា មានគ្រប់ពេលវេលា ។ ឧត្តមសេនីយ៍ស្នងការ បានសង្កត់ធ្ងន់ថា (សុខចិត្តលំបាកនឿយហត់ហាលក្តៅ ឲ្យតែសង្គមមានសន្តិសុខ និងសណ្តាប់ធ្នាប់ល្អ)៕
