ខេត្តក្រចេះ ៖ មានករណីគ្រោះអគ្គីភ័យមួយ បានកើតឡើង នៅរសៀលថ្ងៃ ទី១៦ កញ្ញា ២០១៦ ក្នុងភូមិហាន់ជ័យទី៣ ឃុំហាន់ជ័យ ស្រុកឆ្លូង ក្នុងនោះបង្កឲ្យផ្ទះឈើប្រកក្បឿងនៅក្បែរគ្នាយ៉ាងតិចពីរខ្នងផ្ទះ ស្មើរនិង៦ដំបូលបាន រងការឆេះហ្មត់ទាំងស្រុង។ហើយមូលហេតុនេះក៏ត្រូវបាននគរបាលកំណត់ ថាអាចផ្តើមចេញពីការទុស្សេចរន្តអគ្គីនី។ មានការកត់សម្គាល់ឃើញថាក្នុងអំឡុងពេលពីរថ្ងៃជាប់ៗគ្នានេះ មានមហន្តរាយគ្រោះអគ្គីភ័យបានកើតឡើងចំនួន២ដងស្ទួនគួរឲ្យព្រួយបារម្ភទៅលើលំនៅឋានរបស់បងប្អូនប្រជាពលរដ្ឋនៅតាមបណ្តារស្រុកផ្សេងគ្នា ខេត្តក្រចេះ ។ ស្របនិងការកើតមានមហន្តរាយនេះដែរ ស្នងការនគរបាលខេត្តក្រចេះ លោកឧត្តមសេនីយ៍ លន់ សុផាត បានអំពាវនាវយ៉ាងទទូចដល់បងប្អូនប្រជាពលរដ្ឋឲ្យមានការយកចិត្តទុកដាក់ខ្ពស់លើសុវត្ថិភាពការរស់នៅ ដើម្បីបង្កាពីហានិភ័យផ្សេងៗកុំឲ្យកើតមានជាយថាហេតុ៕
