ខេត្តកោះកុង ៖ សមត្ថកិច្ចមូលដ្ឋានអោយដឹងថា ក្រុមសង្គ្រោះបានជួយសង្គ្រោះ បុរសជនជាតិកាណាដាម្នាក់ ជាអ្នកបើកបរឈ្មោះkent fransisនិងស្ត្រីជនជាតិខ្មែរម្នាក់ត្រូវជាភរិយា ព្រមទាំងបុរសជនជាតិខ្មែរជាសាច់ញាតិម្នាក់ទៀត(សរុប3នាក់)ដែលបានរងរបួសធ្ងន់និងស្រាលដោយគ្រោះថ្នាក់ចរាចរណ៍ក្រឡាប់រថយន្តធ្លាក់ចេញពីផ្លូវជាតិលេខ48 ត្រង់បង្គោលគីឡូម៉ែត្រលេខ62-63 ចំណុចផ្លូវចំណោតបត់បែនអន្ទង់អាំងក្នុងឃុំអណ្តូងទឹកស្រុកបុទុមសាគរខេត្តកោះកុង កាលពីម៉ោងជិត10ព្រឹកថ្ងៃទី16ខែកញ្ញា2016នេះក្នុងពេលបើកបរទិសដៅចេញពីខេត្តកោះកុងទៅភ្នំពេញ។បើតាមរបាយការណ៍ពីសមត្ថកិច្ចអោយដឹងថា ក្នុងចំណោមជនរងគ្រោះទាំង3នាក់ គឺបុរសអ្នកបេីកបររថយន្តដែលជនជាតិកាណាដារងរបួសធ្ងន់ធ្ងរជាងគេដោយគៀបជាប់ក្នុងរថយន្តទម្រាំនឹងគាស់យកចេញបាន ហេីយក្រោយមកជនរងគ្រោះទាំងអស់ត្រូវបានដឹកជញ្ជូនទៅសង្គ្រោះនៅមន្ទីរពេទ្យ៕
