ខេត្តរតនគិរី ៖ រថយន្តស្ទូចបុកនិងម៉ូតូបណ្តាលឲ្យស្ត្រីចំណាស់ម្នាក់បែកក្បាលធ្លាយ ខួរស្លាប់ភ្លាមនៅនឹងកន្លែងគួអោយអាណោចអាធមនៅកណ្តាលថ្នល់។ហេតុ ការដ៏គួរឲ្យរន្ធត់ខាងលើនេះបានកើតឡើងនៅវេលាម៉ោង៨និង០០នាទី ព្រឹកថ្ងៃទី២៦ ខែសីហា ឆ្នាំ២០១៤ ស្ថិតនៅត្រង់ចំណុចផ្លូវប្រសព្វជាបួន ភូមិអភិវឌ្ឍន៏ សង្កាត់ឡាបានសៀក ក្រុងបានលុង ខេត្តរតនគិរី ម្តុំKaraok Dance World ។
លោកឌី សំបូរ នាយផ្នែកនគរបាលចរាចរណ៏ផ្លូវគោកនៃស្នងការដ្ឋាននគរបាលខេត្តរតនគិរី បានឲ្យដឹងថា ករណីគ្រោះថ្នាក់ខាងលើនេះបង្ករឡើងដោយរថយន្ត ម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3B 9358 ជាប្រភេទរថយន្តស្ទូច បើកបរដោយបុរសម្នាក់ឈ្មោះ ហែណ សុខដែន អាយុ៣២ឆ្នាំជនជាតិខ្មែរ រស់នៅភូមិ អភិវឌ្ឃន៏សង្កាត់ឡានសៀក ក្រុងបានលុង មុខរបរជាអ្នកបើកបរ បានបើកបុកម៉ូតូម៉ាក់វ៉េវS ពណ៌ខ្មៅ ពាក់ស្លាកលេខ រតនគិរី 1A 3649 បើកបរដោយឈ្មោះស្មាម សាលេស ភេទប្រុស អាយុ៥៤ឆ្នាំ ជាជាតិឥស្លាម និងអ្នករួមដំណើរជាប្រពន្ធឈ្មោះ លេស ម៉ារី អាយុ៥០ឆ្នាំជានជាតិឥស្លាមដូចគ្នា អ្នកទាំងពីររស់នៅភូមិជ្រៃ សង្កាត់យក្សឡោមក្រុងបានលុង ។
ប្រភពពីសាក្សីកន្លែងកើតហេតុបានឲ្យដឹងថា រថយន្តស្ទូចខាងលើនេះ បើកបរពីទិសខាងជើងទៅត្បូង ហើយម៉ូតូជនរងគ្រោះបានបើកបរពីទិសខាងកើតមកលិច ដល់ចំណុចប្រសព្វខាងលើ ដោយរថយន្តបើកបរមានល្បឿនលឿន និងមិនគោរពចំណុចប្រសព្វផងនោះ បានបុកម៉ូតូពីចំហៀងពេញទំហឹង បណ្តាលឲ្យខ្ទាត់ស្ត្រីម្នាក់បោកក្បាលនឹងថ្នល់ស្លាប់ភ្លាមៗនៅក្នុង ថ្លុកឈាមនឹងកន្លែង ចំណែកឯប្តីជាអ្នកបើកបររងរបួសស្រាល។ ឃើញហេតុការបែបនេះ អ្នកបើកបរបានបើករត់គេចបាត់ស្រមោល ដែលនៅក្បែរនោះបាត់ស្រមោល ចំណែកឯជនរងគ្រោះត្រូវកំលាំងចរាចរណ៏ជើងគោកនៃស្នងការដ្ឋាននគរបាល ខេត្តបានដឹកយកទៅមន្ទីរពេទ្យបង្អែកខេត្ត និងសាកសពប្រគល់ឲ្យក្រុមគ្រួសារធ្វើបុណ្យតាមប្រពៃណី។
ដោយឡែកម៉ូតូបានដឹកយកមករក្សាទុកនៅការិយាល័យចរាចរណ៏ផ្លូវគោក នៃស្នងការខេត្តរងចាំការដោះស្រាយតាមផ្លូវច្បាប់ ។
មូលហេតុគ្រោះថ្នាក់ចរាចរណ៍ខាងលើនេះបង្កឡើងដោយអ្នកបើកបរទាំង២មិនគោរពសិទ្ធត្រង់ផ្លូវប្រសព្វ ៕
