កំពត : គ្រាដែលប្រពន្ធមិននៅផ្ទះ មន្ត្រីនគរបាលម្នាក់បានហៅប្អូនថ្លៃ ស្រីជាអនីតិជនមកកោសខ្យល់ឲ្យខ្លួន ហើយធ្វើសកម្មភាពចាប់រំលោភសេពសន្ថវៈរហូតបានសម្រេចដល់ទៅ៤ដង ត្រូវបានតុលាការដោះលែង ក្រោមហេតុផល មេជន សង្ស័យធានាថាគ្មានបទល្មើស ជនសង្ស័យមានឈ្មោះសួន សុភារ៉ា អាយុ២៨ឆ្នាំមានឋានៈព្រឹន្ទបាលទោបម្រើការងារនៅក្នុងឃុំថ្មី ត្រូវបានសមត្ថកិច្ចចាប់ខ្លួននៅរសៀលថ្ងៃទី១១ ខែកញ្ញា ឆ្នាំ២០១៦កន្លងទៅនេះ នៅភូមិដំណាក់ហ្លួង ឃុំព្រៃថ្នង ស្រុកទឹកឈូ ខេត្តកំពត ។
បន្ទាប់ពីឪពុកម្តាយនារីរងគ្រោះបានមានពាក្យបណ្ដឹង។ក្រុមមន្ត្រីនគបាលបាននិយាយកាលពីម្សិលមិញថា មន្ត្រីនគរបាលម្នាក់ដែលត្រូវបានចោទប្រកាន់ពីបទរំលោភសេពសន្ថវៈលើសាច់ញាតិខាងប្រពន្ធមានអាយុ១៦ឆ្នាំនោះ ត្រូវបានដោះលែងហើយ ដោយគ្មានការចោទប្រកាន់អ្វីឡើយកាលពីម្សិលមិញ បន្ទាប់ពីថ្នាក់លើរបស់ខ្លួននៅក្នុងខេត្តកំពតបានកំណត់ថា ការរួមភេទនោះគឺជាការព្រមព្រៀងគ្នាទៅវិញ។
លោក ពៅ សាមឿន អធិការនគរបាលស្រុកទឹកឈូបានបម្លឺថា និយាយដោយត្រង់ទៅ វាមិនមែនជាករណីរំលោភទេ។ ពួកគេបានព្រមព្រៀងដេកជាមួយគ្នា។ ប្រសិនបើវាពិតជាករណីរំលោភមែននោះ ជនរងគ្រោះប្រហែលជាស្រែកឱ្យគេជួយនៅកន្លែងនោះទៅហើយ ប៉ុន្តែផ្ទុយទៅវិញជនរងគ្រោះបានដេកជាមួយជនសង្ស័យនៅក្នុងបន្ទប់របស់បុរសរូបនេះរហូតដល់ព្រឹកឯណោះ (ស៊ិក)។លោក ពៅ សាមឿន បានបន្ដថា លោកបានបញ្ជូន សួន សុភារ៉ា ទៅសាលាដំបូងខេត្តកាលពីម្សិលមិញ ដោយសារតែអាយុរបស់ក្មេងស្រីរូបនេះស្ថិតនៅជាអនីតិជន ។ លោកបានមានប្រសាសន៍ថា “បើទោះបីជាពួកគេព្រមព្រៀងក៏ដោយ ក៏ច្បាប់ចែង ថា វាមិនមែនជាការត្រឹមត្រូវដែរពីព្រោះជនរងគ្រោះជាអនីតិជន។ច្បាប់បាននិយាយ ថាចាប់ពីអាយុ១៥ឆ្នាំឡើងទៅអាចមានសិទ្ធរៀបការបាននៅក្នុងប្រទេសកម្ពុជា តាមមាត្រាច្បាប់បានកំណត់ថាក្រោម១៨ឆ្នាំនៅតែនៅតែអនីតិជនដ៏ដែល។
លោក ឯក សេងហួត ព្រះរាជអាជ្ញាអមសាលាដំបូងខេត្តបានប្រាប់កាសែតថា លោកបានដោះលែង សួន សុភារ៉ា ពីព្រោះថ្នាក់លើរបស់លោកជឿថា៖ ជននេះគ្មានកំហុសទេ.លោកបានថ្លែងថា “គ្មានមាត្រាណាត្រូវយកមកចោទប្រកាន់លើជនសង្ស័យរូបនេះទេ ពីព្រោះពួកគេបានព្រមព្រៀងដេកជាមួយគ្នា។
លោក សំ អ៊ុក ស្នងការនគរបាលស្រុកទឹកឈូបានបង្ហាញចារិកក្តៅក្រហាយពេលអ្នកសារព័ត៍មាន ជជីកសួរពីការវាយតម្លៃរបស់លោកផ្ទាល់ អំពីទោសកំហុសរបស់មន្ត្រីរូបនេះ លោក សំ អ៊ុក បានឆ្លើយតបដោយកំហឹងមកតែម្តង។ លោកបាននិយាយថា “ហេតុអ្វីបានជាអ្នកសួរខ្ញុំដូចនេះ? ប្រសិនបើអ្នកចង់ដឹងបន្ថែម ហេតុអ្វីក៏មិនសួរជនសង្ស័យទៅ។ អ្វីដែលគាត់បានធ្វើគឺជាបញ្ហារបស់គាត់។
សូមបញ្ជាក់ថា នគរបាលស្រុកទឹកឈូបានឲ្យដឹងថា ជនសង្ស័យឈ្មោះ សួន សុភារ៉ា ហៅ ង៉ោល ភេទប្រុស អាយុ២៨ឆ្នាំ ជានគរបាលប៉ុស្តិ៍រដ្ឋបាលឃុំថ្មី បច្ចុប្បន្នរស់នៅភូមិដំណាក់ហ្លួង ឃុំព្រៃថ្នង ស្រុកទឹកឈូ ត្រូវជាបងថ្លៃរបស់នារីរងគ្រោះ ដែលទើបតែមានអាយុ១៦ឆ្នាំនោះ ។
នារីរងគ្រោះបានរៀបរាប់សមត្ថកិច្ចឲ្យដឹងថា កាលពីថ្ងៃទី១០ ខែកញ្ញា ឆ្នាំ២០១៦ ខណៈបងស្រីខ្លួន(ត្រូវប្រពន្ធជនសង្ស័យ)មិននៅផ្ទះ ជនសង្ស័យជាបងថ្លៃបានប្រើល្បិចថាមិនស្រួលខ្លួន ហើយហៅនាងខ្ញុំឲ្យមកកោសខ្យល់ឲ្យ ប៉ុន្តែបែរជាធ្វើសកម្មភាពចាប់រំលោភនាងខ្ញុំតែម្ដង រហូតបានសម្រេចដល់ទៅ៤ដងនៅលើ ផ្ទះរបស់ជនសង្ស័យ ។
មន្ត្រីនគរបាលបញ្ជាក់ថា លុះនៅព្រឹកថ្ងៃទី១២កញ្ញា ទើបឪពុកម្តាយនារីរងគ្រោះដឹង ក៏បានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលឃុំព្រៃថ្នង ទើបឈានទៅដល់ការឃាត់ខ្លួនជនសង្ស័យ ដើម្បីកសាងសំណុំរឿងចាត់ការតាមនិតិ វិធីច្បាប់តែលទ្ធផល ខ្សុយ ៕
