អាជ្ញាធរសហរដ្ឋអាមេរិក បានធ្វើសេចក្តីប្រកាសព្រមានដល់អ្នកធ្វើដំណើរតាមជើងហោះហើរទាំងអស់ ហាមមិនឲ្យបើកទូរស័ព្ទ ឫក៏សាកថ្ម ទូរស័ព្ទ Samsung Galaxy Note 7 នៅពេលដែលឡើងជិះយន្តហោះនោះទេ។
បន្ថែមពីលើនេះ អាជ្ញាធរសហព័ន្ធអាកាសចរណ៍ស៊ីវិល សហរដ្ឋអាមេរិកក៏បានណែនាំឲ្យក្រុមអ្នកធ្វើដំណើរទាំងអស់គួរណា រក្សាទុកទូរស័ព្ទដៃ Samsung Galaxy Note 7 នៅក្នុងវ៉ាលីជាជាងការយកមកប្រើប្រាស់នៅពេលធ្វើដំណើរលើយន្តហោះ។ គួរបញ្ជាក់ថា ១ សប្តាហ៏ចុងក្រោយនេះ ក្រុមហ៊ុន Samsung បានប្រកាសប្រមូលត្រឡប់មកវិញនូវប្រភេទទូរស័ព្ទដៃខាងលើមកពីជុំវិញពិភពលោក បន្ទាប់ពីមានភាពធ្លោះធ្លោយទៅលើប្រព័ន្ធ ថ្មទូរស័ព្ទ ដែលបង្កជាហានិភ័យអាចផ្ទះឡើង អំឡុងឫក្រោយពេលសាកថ្ម។ ទន្ទឹងនឹងសេចក្តីប្រកាសព្រមានពីអាជ្ញាធរ សហរដ្ឋអាមេរិក ក៏ដូចជាពីអាជ្ញាធរសហព័ន្ធអាកាសចរណ៏ស៊ីវិល FAA ពាក់ព័ន្ធនឹងការប្រើប្រាស់ទូរស័ព្ទ Samsung Galaxy Note 7 ងាកទៅមើល ក្រុមហ៊ុន អាកាសចរណ៏ Qantas និង Virgin Australia ក៏បានណែនាំដល់បណ្តាអ្នកធ្វើដំណើរលើយន្តហោះ របស់ខ្លួន “ហាមមិនឲ្យប្រើប្រាស់ ឫសាកថ្ម ទូរស័ព្ទ Samsung Galaxy Note 7 នៅពេលធ្វើដំណើរលើយន្តហោះរបស់ខ្លួន”៕
