បាត់ដំបង ៖ ប្រជាពលរដ្ឋជាង ១០០ គ្រួសារ នាំគ្នាតវ៉ាសុំបើកផ្លូវអោយធំងាយស្រួលដឹកជញ្ជូន កសិផល ព្រោះលោក អ៊ឹង ស៊ីណា ប្រធានការិយាល័យកសិកម្មស្រុកថ្មគោល ធ្វើរបងប៉ះផ្លូវ ពេលបើកគោយន្តធ្លាក់ប្រឡាយ កាលពីព្រឹកថ្ងៃទី២៦ ខែសីហា ឆ្នាំ២០១៤ នៅភូមិស្នួលកោង ឃុំបឹងព្រីង ស្រុកថ្មគោល ខេត្តបាត់ដំបង ។
ប្រជាពលរដ្ឋភូមិស្នួលថា ពួកគាត់មិនមានបំណងទាមទាយកដីពីលោក អ៊ឹង ស៊ីណា ប្រធានការិយាល័យកសិកម្មស្រុកថ្មគោលទេ គឺសំណូមពរអោយដករបងថ្មចេញ ពីព្រោះធ្វើរបងថ្មប៉ះផ្លូវធ្វើអោយផ្លូវតូចចង្អៀតពេល ពួកគាត់ដឹកកសិផល ឬចរាចរណ៍មានការលំបាក ដោយគោយន្តឬរថយន្តធ្លាក់ពីលើផ្លូវចូលប្រឡាយទឹក ។
លោក ស្មាន់ សុភាព មេភូមិស្នួលបានអោយដឹងថា រូបលោកបានផ្តល់ដំណឹងនេះជូនលោកមេឃុំ តាំងពីឆ្នាំ២០១៣ តែលោកមេឃុំមិនរកដំណោះស្រាយ ។
លោក លឹម វែង មេឃុំបឹងព្រីងបានអោយដឹងថា នៅព្រឹកនេះ លោកបានសម្របសម្រួលជាមួយលោក អ៊ឹង ស៊ីណា ប្រធានការិយាល័យកសិកម្មស្រុកថ្មគោល អោយគាត់ដករបងចេញ ។
លោក អ៊ឹង ស៊ីណា ប្រធានការិយាល័យកសិកម្មស្រុកថ្មគោល បានអោយដឹងថា បញ្ហាដែលកើតឡើងផ្អើលនៅការផ្សព្ធផ្សាយព័ត៌មានមួយចំនួនថា រូបខ្ញុំធ្វើរបងព័ន្ធលំនៅដ្ឋានប្រជាពលរដ្ឋបិទប្រឡាយឃាំងទឹកមិនអោយប្រជាពលរដ្ឋនៅភូមិស្នួលកោងប្រើប្រាស់នោះជាការផ្សាយខុស។តាមពិតប្រឡាយឬផ្លូវនៅភូមិស្នួលកោងជាការស្តារសំរាប់អភិវឌ្ឍន៍កសិកម្មមិនមែនជារបស់បុគ្គលទេ។នៅឆ្នាំ២០១៣រូបខ្ញុំបានជីករណ្តៅនិងបន្សល់អាចដីមួយចំនួនដែលមិនទាន់ឈូសឆាយពង្រាបដោយសារទឹកជន់លិច ។ ចំពោះរបងថ្មដែលសាងសងនេះ ពេលកម្លាំងជំនាញចុះធ្វើសាងសង់ បើលោកមេភូមិគាត់បដិសេធន៍រូបលោក និងរកដំណោះស្រាយទៀត ប៉ុន្តែអស់លោកមិនមានទំនាក់ទំនងគ្នាសោះ ។ ការធ្វើរបងការពារផលកសិកម្មសំរាប់ប្រជាពលរដ្ឋ ហើយបើរបងនេះវាប៉ះពាល់រូបលោកនិងរុះរើឬរកវិធីសម្រួលផ្លូវអោយបានធំជាងនេះ ។ សូមប្រជាពលរដ្ឋកុំបោះសំរាមចូលប្រឡាយទឹកបណ្តាលអោយរីងរាក់ និងបូមទឹកកាត់ផ្លូវវាងាយខូចខាតពិបាកធ្វើចរាចរណ៍ ៕
