បាត់ដំបង ៖ ឈ្មោះនីជាឈ្មួញរកស៊ីដឹកកូនត្រីឆ្តោរធំជាងគេនៅបាត់ដំបងយកទៅលក់អោយប្រជាពលរដ្ឋនៅភូមិឃុំព្រៃចាស់យ៉ាងគគ្រឹកគគ្រេងមិនមានអ្នកបង្ក្រាបចំណែកមន្ត្រីជលផលនៅថ្ងៃទី២៤ខែសីហាឆ្នាំ២០១៤ថាបានកំពង់បង្ក្រាបករណីនេះ។
តាមប្រភពអោយដឹងថា ឈ្មោះនីបានដឹកកូនត្រីឆ្តោរាប់ម៉ឺនក្បាលពីស្រុកយួនចូលមកទឹកដីបាត់ដំបងតាំងពីថ្ងៃទី១៥ខែក្កដាឆ្នាំ២០១៤។ពេលឈ្មោះនីដឹកកូនត្រីតាមទូកឬកាណូតស្មាច់សមត្ថកិច្ចកាក់បានត្រឹមតែមើលឈ្មួញដាក់សែនព្រេនត្រូវគ្នាដឹកយ៉ាងរលូន។ពេលថ្ងៃទី១៩ខែសីហាសមត្ថកិច្ចកាក់នៅលើរថយន្តក្នុងស្រុកសង្កែទៀតមិនបានធ្វើអ្វីនោះទេគឺទទួលសំណែនរួចអោយដឹកបន្តទៅមុខទៀត។
ការចិញ្ចឹមកូនត្រីឆ្តោរនេះវាបង្កអោយបាត់បង់ពូជត្រីធម្មជាតិរាប់រយលានក្បាលដោយការចាប់ត្រីធម្មជាតិយកមកធ្វើចំណីត្រីចិញ្ចឹមហើយបើត្រីនេះរួចចូលក្នុងស្ទឹងអូរព្រែកវានិងស៊ីត្រីផ្សេងៗជាចំណីរបស់វានិងស៊ីមនុស្សជាចំណីផងក៏ថាបាន។
លោក ជួង សុភា នាយខ័ណ្ឌរដ្ឋបាលជលផលខេត្តបាត់ដំបងនៅថ្ងៃទី២៤ខែសីហាបានប្រាប់តាមទូរស័ព្ទអោយដឹងថារូបលោកបានដឹកនាំកម្លាំងបង្ក្រាបការនាំចូលកូនត្រីឆ្តោរបានចំនួន១០ត្រើងនៅចំណុចក្បាលតោស្រុកមោងឬស្សីខេត្តបាត់ដំបងហើយនិងឈានទៅបង្ក្រាបនៅចំណុចភូមិឃុំព្រៃចាស់ទៀត៕
