បាត់ដំបង ៖ លោក ច័ន្ទ សុផល អភិបាលខេត្តបាត់ដំបង និងលោក សួស អង្គារ៍ សម្ពោធបើកការដ្ឋានជួសជុលផ្លូវខេត្តលេខ១៥៧ ប្រវែង៨០០ម៉ែត្រ ទទឹង៦ម៉ែត្រ ដែលប្រជាពលរដ្ឋជួបការលំបាកចរាចរណ៍ ក្នុងឃុំតាម៉ឹន និងឃុំតាពូងស្រុកថ្មគោល អោយបានប្រើប្រាស់វិញ កាលពីព្រឹកថ្ងៃទី២១ ខែសីហា ឆ្នាំ២០១៤ នៅសាលាបឋមសិក្សាអង់ឃុំតាម៉ឹន ។
វត្តមាន អញ្ជើញចូលរួមមានលោកអភិបាលរងកម្លាំងប្រដាប់អាវុធអភិបាលអភិបារង ស្រុកមន្ត្រីអ្នកមុខអ្នកការនិងប្រជាជនជាច្រើនរយអ្នក។
លោក ចាន់ សំបូរ អនុប្រធានមន្ទីរសាធារណការណ៍និងដឹកជញ្ជូនខេត្តបានអោយដឹងថា ការបើកការដ្ឋានជួសជុលស្តារឡើងវិញ ផ្លូវខេត្តលេខ១៥៧ ក្រាលគ្រួសក្រហមប្រវែង៨០០០ម៉ែត្រ ទទឹង៦ម៉ែត្រ ឃុំតាម៉ឹន និងឃុំតាពូង ស្រុកថ្មគោល ខេត្តបាត់ដំបង ដែលមានការងារបច្ចេកទេសដូចតទៅ ៖ ឈូសបករុក្ខជាតិចេញពីសង្ខាងផ្លូវកម្រាស់០,១៥ម៉ែត្រលើប្រវែងសរុប ឈូសបកចេញណុវដីគ្មានគុណភាព សង្ខាងផ្លូវ កម្រាស់០,១៥ម៉ែត្រ និងឈូសព្រៃគាស់គល់ ក្រាលគ្រួសក្រហមកំរាស់០,១០ម៉ែត្រ ស្រោចទឹកកៀររលាយបញ្ចូលគ្នាអោយសព្វរួចកិនបង្ហាប់តាមកំរិត បច្ចេកទេស ។
លោក ចាន់ សំបូរ បានបញ្ជាក់ថា កន្លងមកផ្លូវ១ខ្សែនេះ ដោយមិនមានការថែទាំ បណ្តាលអោយរងការខូចខាតជាដំណំមានក្រឡុកតូចធំពិបាកធ្វើដំណើរ តាមមធ្យោបាយគ្រប់ប្រភេទ ដែលធ្វើអោយតំបន់នេះហាក់បីដូចឆ្ងាយពីទីប្រជុំជនខេត្តបាត់ដំបង ។ ដោយឃើញទុក្ខលំបាករបស់ប្រជាពលរដ្ឋឃុំតាម៉ឹន និងឃុំតាពូងស្រុកថ្មគោល ទើបឯកឧត្តម នឹម ថូត និងឯកឧត្តម សួស អង្គារ៍ បានសំណូមពរយ៉ាងទទូចមក ឯកឧត្តម ខាន់ ម៉ាណេរ ទីប្រឹក្សាឯកឧត្តម ស ខេង ឧបនាយករដ្ឋមន្ត្រីក្រសួងមហាផ្ទៃ (និងជាប្រធានមន្ទីរសារធារណការណ៍) ជួយដោះស្រាយជាបន្ទាន់និងមានអន្តារគមន៍ពី ឯកឧត្តមច័ន្ទសុផលអភិបាលខេត្ត ទើបមន្ទីរធ្វើសំណើរទៅក្រសួងសាធារណការណ៍និងដឹកជញ្ជូន ក្រសួងសេដ្ឋកិច្ចហិរញ្ញវត្ថុ ដើម្បីចុះពិនិត្យនិងសម្រេចអោយប្រើប្រាស់ចវិការកញ្ចប់ជាបន្ទាន់ ចំនួន២កញ្ចប់ដើម្បីជួសជុលសម្រួលជូនប្រជាពលរដ្ឋ ទម្រាំដល់ឆ្នាំ២០១៥ នឹងមានការជួសជុលក្រាលកៅស៊ូដោយក្រសួងអភិវឌ្ឍន៍ជនបទ ។
លោក សួស អង្គារ៍ អគ្គស្នងការរងនៃស្នងការដ្ឋាននគរបាលជាតិ និងជាប្រធានក្រុមការងារស្រុកថ្មគោលបានអោយដឹងថា ផ្លូវ១ខ្សែដែលបងប្អូនជួបការលំបាកជាច្រើនឆ្នាំមក និងតាមការសន្យាពេលនេះ ជួសជុលអោយប្រើប្រាស់ហើយ ដូច្នេះបងប្អូនអាចដឹកជញ្ជូនចរាចរណ៍ទៅមកបានស្រួលជាងមុន ។
លោក ច័ន្ទ សុផល អភិបាលខេត្តបានអោយដឹងថា ផ្លូវ១ខ្សែដែលប្រជាពលរដ្ឋជួបការលំបាកធ្វើចរាចរណ៍គ្រប់រដូវ ពេលនេះ បានស្តារជួសជុលឡើងវិញ ហើយប្រជាពលរដ្ឋអាចធ្វើដំណើរទៅកាន់មន្ទីរពេទ្យ ឬដឹកកសិផលផ្សេងៗយកទៅលក់នៅទីប្រជុំជនបានស្រួល ។ ក្រោយពីស្តារនិងជួសជុលរួចសូមបងប្អូនជួយថែរទាំផ្លូវនេះអោយបាន ល្អផងព្រោះ ឆ្នាំ២០១៥ផ្លូវនេះនឹងបើកការដ្ឋានចាក់ក្រាលកៅស៊ូមុនចូលឆ្នាំ ប្រពៃណីខែ្មរ ៕
