ខេត្តបាត់ដំបង ៖ ជនសង្ស័យម្នាក់ ទើបចេញពីគុកបាន០៨ខែ ពេលនេះចូលទៅវិញ ពាក់ព័ន្ធករណី រគ្រឿងញៀនដដែល ចំនួន៣៤៨គ្រាប់ និងថែមទាំងមានដីកាចាប់ខ្លួន ក្នុងបទល្មើសដូចគ្នាខាងលើទៀតផង ដោយហេតុការណ៍នេះ បានកើតឡើង នៅថ្ងៃទី៣១.០៨.២០១៦ វេលាម៉ោង១៤ៈ៣០នាទី ។
លោកវរ:សេនីយ៍ទោ សុង សុភ័ក្ត្រ អធិការនគរបាលស្រុកភ្នំព្រឹក បានឲ្យកំម្លាំងជំនាញនៃអធិការដ្ឋាននគរបាលស្រុកសហការណ៍ជាមួយកម្លាំងប៉ុស្តិ៍នគរបាលរដ្ឋបាលពេជ្រចិន្តាដើរ ល្បាតក្នុង ភូមិសាស្ត្រឃុំពេជ្រចិន្តា បានប្រទះឃើញមុខសញ្ញាឈ្មោះ ភ្លើយ យ៉ន ហៅយ៉ង ភេទប្រុស អាយុ៣៤ឆ្នាំ ដែលមានដីកាបង្គាប់ ឲ្យចាប់ខ្លួន លេខ១៧៣ ត.ព្រ/១៦ ចុះថ្ងៃទី២៨.០៦.២០១៦ ចេញដោយ ចៅក្រមលោក លិ សុខា ពាក់ព័ន្ធបទល្មើស ជូញដូរដោយខុសច្បាប់ នូវសារធាតុញៀន កំពុងជិៈម៉ូតូធុនឆាលីក្នុងទឹសដៅពីជើងទៅត្បូង ។
ខណះនោះកម្លាំងសមត្ថកិច្ចបានបើករថយន្តតាមទៅដល់ចំណុចភូមិអូរអន្លក់ ឃុំតាសែន ស្រុកកំរៀង បានចាប់ឃាត់ខ្លួនជនសង្ស័យខាងលើ និងឆែកក្នុងកាបូបស្ពាយពណ៍ខ្មៅ រកឃើញថ្នាំញៀន សញ្ញាWY ចំនួន០២ថង់ខៀវកិបមាត់លាក់ទុកក្នុងកាបូបស្ពាយ យើងបានឃាត់ខ្លួន ជនសង្ស័យខាងលើ ក្នុងបទល្មើសជាក់ស្តែងតែម្តង ។
+វត្ថុតាងចាប់យករួមមានៈ ១.គ្រាប់ថ្នាំពណ៍ផ្កាឈូកសញ្ញាWY ចំនួន៣៤៨គ្រាប់ ដែលសង្ស័យជាសាធាតុញៀន ។ ២.ទូសព្ទ័ដៃចំនួន០១គ្រឿង ។ ៣.ម៉ូតូធុនឆាលី០១គ្រឿង ។ ករណីខាងលើនេះ សមត្ថកិច្ចយើងកំពុងកសាងសំណុំរឿង និងបញ្ជូនខ្លួនជនសង្ស័យ ទៅការិយាល័យជំនាញ ដើម្បីចាត់ការតាមនិតិវិធី ៕
