ប្រទេសថៃ៖ ក្រឡាប់រថយន្តដឹកុងហ្គាស់ដើរចែកចាយពេលបើកបរលឿននៅចំណុចផ្លូវកោងបណ្តាលឲ្យផ្ឋុះឆេះរថយន្ត៣គ្រឿងទៀតបើកពីក្រោយទប់ប្រាំងមិនជាប់និងរបួសមនុស្សម្នាក់។ហេតុការណ៍នេះបានកើតឡើងកាលពីវេលាម៉ោង ១០ និង០០នាទី ថ្ងៃទី៣០ ខែសីហាឆ្នាំ២០១៦ នៅលើកំណាត់ផ្លូវ ថៃររ៉ាត់ ខាងមុខច្រកចូលផ្សារ វង់សៈកន នាទីក្រុងបាងកកប្រទេសថៃ ជិតសាលារៀនអន្តរជាតិឃូខុត ។
តាមរបាយការណ៍ពីទីនោះបានអោយដឹងថា នៅមុនពេលកើតហេតុគឺមានរថយន្តកូរេ ប្រភេទកង់៦ មួយគ្រឿងបានដឹកធុងហ្គាស់ពេញដើម្បីដើរចែកចាយតាមអាហារដ្ឋាននិងភោជនីយដ្ឋាន ។
ដោយសារតែល្បឿនលឿនផង ហើយផ្លូវមានលក្ខណៈកោងផងធ្វើអោយរថយន្តនោះក្រឡាប់នៅកណ្តាលផ្លូវតែម្តង ដោយបានធ្វើអោយធុងហ្គាស់ទាំងអស់ដែលនៅលើរថយន្ត បានធ្លាក់រមៀលពេញផ្លូវ ចៃដន្យគឺមានរថយន្តមកពីក្រោយបានបុកទៅលើធុងហ្គាស់នោះ ធ្វើអោយផ្ទុះតែម្តងព្រមទាំងមានអណ្តាតភ្លើងឆាបឆេះឡើងយ៉ាងសន្ធោសន្ធៅ ដោយបានឆាបឆេះទៅលើរថយន្តដទៃទៀតអស់ចំនួន៤គ្រឿងុហើយក៏បានបង្កអោយមានមនុស្សម្នាក់រងរបួសផងដែរ ដែលជាអ្នកបើករថយន្តដឹកហ្គាស់នោះតែម្តង ។
នៅវេលាម៉ោង១១ នាថ្ងៃដដែល ទើបគេសង្គេតឃើញមានក្រុមពន្លត់អគ្គីភ័យបានចុះទៅដល់ ដោយបានទប់ស្កាត់មិនអោយភ្លើងនេះរាលដាលទៅកន្លែងផ្សេងទៀតគឺបានទប់ស្កាត់រលត់ទាំងស្រុង បន្ទាប់ពីមានការកកស្ទះចរាចរណ៍អស់រយៈពេលមួយម៉ោងពេញ ៕
