ប៉ៃលិន ៖ លោក សុខ សាធីម បច្ចុប្បន្នជាអនុប្រធានមន្ទីរពាណិជ្ជកម្មខេត្តប៉ៃលិន ត្រូវបានប្រកាស តែងតាំង ជាប្រធានមន្ទីរពាណិជ្ជកម្មខេត្តប៉ៃលិន ជំនួសលោក ចាន់ សុគន្ធ ដែលត្រូវបានចូលនិវត្តន៏ ។ពិធីនេះត្រូវបានធ្វើឡើងកាលពីរសៀលថ្ងៃទី១៦ ខែសីហា ឆ្នាំ ២០១៤ នៅសាលប្រជុំសាលាខេត្តប៉ៃលិន ស្ថិតក្រោមអធិបតីភាពលោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម លោក អ៊ី ឈាន ប្រធានក្រុមប្រឹក្សាខេត្តប៉ៃលិនលោក កើត សុធា អភិបាលខេត្តប៉ៃលិន ដោយមានការចូលរួមពី លោកស្រីអភិបាលរងខេត្ត សមាជិកក្រុមប្រឹក្សាខេត្តគណៈប្រតិភូអបដំណើ និងមន្ត្រីរាជជុំវិញខេត្តជាច្រើននាក់ផងដែរ ។
យោងប្រកាស លេខ ០៤១ ពណ.បក.ប្រក ចុះថ្ងៃទី ២១ ខែមករាឆ្នាំណ២០១៤ របស់ក្រសួងពាណិជ្ជកម្មសម្រេចតែងតាំងលោក សុខ សាធីម បច្ចុប្បន្ន ជាអនុប្រធានមន្ទីរពាណិជ្ជកម្មខេត្តប៉ៃលិន ទៅជាប្រធានមន្ទីរពាណិជ្ជកម្មខេត្តប៉ៃលិនជំនួសលោក ចាន់ សុគន្ធ ដែលបានចូលនិវត្តន៍ ។
លោក សុខ សាធីម ដែលត្រូវបានប្រកាសតែងតាំងជាប្រធានមន្ទីរពាណិជ្ជកម្មខេត្តប៉ៃលិន បានប្តេជ្ញា គោរព និងអនុវត្តឲ្យបានម៉ឺងម៉ាត់ និងខ្ជាប់ខ្ជួន តាមរដ្ឋធម្មនុញ្ញដែលជាច្បាប់កំពូលរបស់ជាតិ រួមចំណែកអនុវត្តឲ្យបានសកម្មខ្លាំងក្លានូវយុទ្ធសាស្ត្រចតុកោណ ដំណាកកាលទី៣ របស់រាជរដ្ឋាភិបាលកម្ពុជា ដើម្បីលើកកំពស់ជីវភាពរស់នៅរបស់ប្រជាពលរដ្ឋ និង សេដ្ឋកិច្ចសង្គម រក្សាសាមគ្គី ឯកភាពផ្ទៃក្នុង ពង្រឹងកិច្ចសហការល្អជាមួយអាជ្ញាធរដែនដីគ្រប់លំដាប់ ថ្នាក់ និងមន្ទីរអង្គភាពពាក់ព័ន្ធឲ្យបានល្អ ដើម្បីឲ្យការអនុវត្តការងារមានប្រសិទ្ធភាព គុណភាព និងទទួលបានជោគជ័យ ។
លោក អ៊ី ឈាន ប្រធានក្រុមប្រឹក្សាខេត្តប៉ៃលិនបានមានប្រសាន៏ថាទោះបីជាលោក ចាន់ សុគន្ធ ត្រូវបានចូលនិវត្តន៏ក៏ដោយតែលទ្ធការងារដែលធ្វើកន្លងមកគឺ សម្រេចបានយ៉ាងល្អ ។ ដើម្បីឲ្យការងារកាន់តែល្អថែមទៀតនោះ លោក សុខ សាធីម ដែលត្រូវបានប្រកាសតែងតាំងជាប្រធានមន្ទីរ ត្រូវខិតខំសិក្សារៀនសូត្រពីរបៀបរបបក្នុងការបំពេញការងារ ដើម្បីឲ្យទទួលបានលទ្ធផលល្អក្នុងការបំពេញការងារត្រូវរក្សា សាមគ្គីភាពផ្ទៃក្នុង ស្មោះត្រង់ជាមួយជាតិមាតុភូមិ ។
លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្មផ្តាំផ្ញើរ ដល់លោកប្រធានមន្ទីរ ដែលបានប្រកាសតែងតាំងថ្មីត្រូវខិតខំអនុវត្តបំពេញការងារឲ្យបានល្អ ហើយត្រូវមានទំនាក់ទំនងល្អ ជាមួយអាជ្ញារដែនគ្រប់លំដាបថ្នាក់ និងមន្ទីរ អង្គភាពជំនាញក្នុងខេត្ត ជាពិសេសនោះ គឺត្រូវចេះសាមគ្គីគ្នា ដើម្បីឲ្យការអនុវត្តការងារទទួលបានភាពជោគជ័យ។
ក្នុងពិធី នោះដែរ លោកទេសរដ្ឋមន្ត្រីក៏បានផ្តល់ថវិកាចំនួន ២០០០ ដុល្លារអាមេរិកដល់មន្ទីរពាណិជ្ជកម្មខេត្តប៉ៃលិន និងបានផ្តល់ថវិកាចំនួន ៥០០ ដុល្លារអាមេរិក ដល់លោកចាន់ សុគន្ធ ដែលចូលនិវត្តន៍ ដើម្បីជាការថ្លែងអំណរគុណ ចំពោះការខិតខំប្រឹងប្រែងធ្វើការងារទទួលបានលទ្ធផលល្អ ៕
សំ កូលីន
