ភ្នំពេញ៖ ជនសង្ស័យមា្នក់ ត្រូវបានប្រជាពលរដ្ឋ កាត់ទោស ដោយប្រើកណ្តាប់ដៃជើង ក្រោយពីរូបគេ លួចកាច់កម៉ូតូ ម៉ាកហុងដាសេ១២៥ ស្លាកលេខ1BM-5351 មួយគ្រឿង បានសំរេចពីមុខការដ្ឋានមួយកន្លែងនៅភូមិព្រៃស្ពឺ កាលពីវេលាម៉ោង៣និង៣០នាទីរសៀល ថ្ងៃទី ២៤ ខែសីហា ២០១៦ ក្នុង សង្កាត់ចោមចៅ ខណ្ឌពោធិសែនជ័យ ហើយជិះគេចខ្លួន តែទៅមិនបានប៉ុន្មានផង ម្ចាស់ឃើញស្រែកឆោរឡោរ ត្រូវប្រជាពលរដ្ឋដែលរស់នៅក្បែរនាំគ្នាចាប់បានសំពងតាមការខឹង។
បើតាមភ្នាក់ងារយើងបានអោយដឹងថាជនសង្ស័យឈ្មោះ ហាត់ រីតា អាយុ៣០ឆ្នាំ ស្នាក់នៅភូមិអូរដឹម សង្កាត់ចោមចៅ ខណ្ឌពោធិ៏សែនជ័យ។ចំនែកជនរងគ្រោះមានឈ្មោះ ឌៀង ច័ន្ទ ភេទប្រុស អាយុ៣០ឆ្នាំ ស្នាក់នៅម្តុំលូ៥ សង្កាត់ចោមចៅ ខណ្ឌពោធិ៏សែនជ័យ។
យោងតាមការឆ្លើយឆ្លងបានអោយដឹងទៀតថា ជនសង្ស័យខាងលើ រូបនេះទំនងអត់លុយការប្រពន្ធ ធ្វើសំណង់មិនសូវកាក់កប បែកគំនិត ធ្វើចោរកាច់សោរក ម៉ូតូ ត្រូវម្ចាស់គេឃើញទាន់ ដេញចាប់វ៉ៃទ្រោម ហើយប្រគល់អោយសមត្ថកិច្ចចាត់ការតែម្តងទៅ។
បច្ចុប្បន្នជនសង្ស័យខាងលើត្រូវបានបញ្ជូនទៅកាន់អធិកាដ្ឋាននគរបាលខណ្ឌពោធិ៏សែនជ័យដើម្បីធ្វើការសាកសួរចាត់ការទៅតាមផ្លូវច្បាប់។
