ភ្នំពេញ ៖ កម្លាំងអាវុធហត្ថខណ្ឌទួលគោក បានចុះបង្ក្រាបមុខសញ្ញាអ្នកចែកចាយនិងប្រើប្រាស់គ្រឿងញៀនកាលពីវេលាម៉ោង០៤និង៣០នាទីរសៀលថ្ងៃទី ២៤ ខែសីហា ឆ្នាំ២០១៦ ស្ថិតនៅត្រង់ចំនុចតាមបណ្តោយផ្លូវរថភ្លើង ភូមិ២១ ក្នុងសង្កាត់បឹងកក់២ ខណ្ឌទួលគោក ម្តុំរោងចក្រឆ្នាំង ។
ក្នុងប្រតិបត្តិការចុះបង្ក្រាបករណីគ្រឿងញៀនខាងលើនេះអាវុធហត្ថបានចុះបង្ក្រាបចាប់ខ្លួនជនសង្ស័យបានម្នាក់ដែលជាអ្នកទិញយកទៅប្រើប្រាស់និងដកហូតបានថ្នាំញៀនប្រភេទ ក្រាមពណ៌សចំនួន០១កញ្ចប់រួចបាននាំជនសង្ស័យទៅចង្អុលបង្ហាញទីតាំងកន្លែងលក់បានឃាត់ខ្លួនជនសង្ស័យដែលជាអ្នកចែកចាយបានចំនួន២នាក់និងថ្នាំញៀនប្រភេទក្រាមពណ៌សចំនួន០៩កញ្ចប់ ថង់ផ្លាស្ទិចសំរាប់ច្រក ទូរសព្ទ័ចំនួន២គ្រឿង រួមទាំងឧបករណ៍សំរាប់ជក់មួយចំនួនទៀត។
ជនសង្ស័យទាំង០៣នាក់ដែលកម្លាំងអាវុធហត្ថឃាត់ខ្លួនខាងលើទី១ឈ្មោះជា ថូ ភេទប្រុស អាយុ ២៥ ឆ្នាំ មុខរបរ និងស្នាក់នៅ មិនពិតប្រាកដ។ ទី២ឈ្មោះរស់ វាសនា ភេទប្រុស អាយុ៣១ ឆ្នាំ មុខរបរ មិនពិតប្រាកដ ស្នាក់នៅផ្ទៈជួល ផ្លូវរថភ្លើង សង្កាត់បឹងកក់២ ខណ្ឌទួលគោក។ ទី៣ឈ្មោះថុល ដារ៉ា ភេទប្រុស អាយុ២៧ឆ្នាំ
មុខរបរមិនពិតប្រាកដ ស្នាក់នៅផ្ទៈជួល ផ្លូវរថភ្លើង សង្កាត់បឹងកក់២ ខណ្ឌទួលគោក។
ប្រថាជាពលរដ្ឋបានខ្សឹបប្រាប់អោយដឹងថានៅតំបន់ម្តំុរោងចក្រឆ្នាំងតាមបណ្តោយផ្លូវរថភ្លើងដែលស្ថិតនៅក្នុងទឹកដីខណ្ឌទួលគោកនេះគឺជាតំបន់ស្មុគស្មាញសំបូរទៅដោយក្រុមចោរលាក់ខ្លួននៅទីនេះពិសេសជាតំបន់គ្រឿងញៀនសំបូរអ្នកមកប្រើប្រាស់និងចែកចាយគ្រឿងញៀនឈរលក់ដូចទំនិញក្នុងផ្សារទាំថ្ងៃទាំងយប់ដោយសមត្ថកិច្ចប៉ុស្តិ៍បឹងកក់២និងសមត្ថកិច្ចខណ្ឌខណ្ឌទួលគោក មិនយកចិត្តទុកដាក់ក្នុងការបង្ក្រាបសោះ សង្សយ័ទទួលបានលាភសការៈពីជនទាំងនោះហើយបានជាប្រងើយបែបនេះ រីឯល្បែងហ្គ្រេមបាញ់ត្រីវិញ ឃើញមានបើកលេង ជាហូហែរ ក្នុងទីនេះ។
ក្រោយពីប្រតិបត្តិការបង្ក្រាបចប់ជនសង្ស័យទាំង០៣នាក់រួមទាំងវត្ថុតាងត្រូវបានបញ្ជូនទៅកាន់ទីបញ្ជាការដ្ឋានអាវុធហត្ថខណ្ឌទួលគោកឃុំខ្លួនបណ្តោះអាសន្នដើម្បីសាកសួរចំលើយកសាងសំនំុរឿងបញ្ជូនខ្លួនទៅកាន់តុលាការចាត់ការទៅតាមផ្លូវច្បាប់៕
\
