ខេត្តបន្ទាយមានជ័យ ៖ លោកជួនវណ្ណះ ចៅក្រមសាលាដំបូង ខេត្តបន្ទាយមានជ័យ បានរងរបួសធ្ងន់ ខណះដែលចេញពី ហាងផឹកស៊ី ហើយបើករថយន្តលឿនបុកជាមួយរង្វង់មូលមុខសាលាខេត្តពេញទំហឹង។
ហេតុការណ៍នេះបានបង្កការភ្ញាក់ផ្អើលដល់បងប្អូនប្រជាពលរដ្ឋរស់នៅក្បែរនោះអោយមកចោមរោមមើលនៅម៉ោងប្រមាណជា១១និង២៥នាទីយប់ថ្ងៃទី២៤ខែសីហាឆ្នាំ២០១។
អ្នកដែលបានឃើញហេតុការណ៍នេះបាននិយាយប្រាប់ អោយដឹងថា នៅមុនពេលកើតហេតុគឺរថយន្តluxis៣៣០ ពណ៌ស ពាក់ស្លាកលេខ ០០៨៩ បើកបរយ៉ាងលឿនក្នុងទិសដៅពីកើតទៅលិច លុះមកដល់ ចំនុចកើតហេតុស្រាប់តែរថយន្តនោះបានបុកជាមួយរង្វង់មូលពេញទំហឹងលាន់ស្នូរដូចជារន្ទះបង្កជាការភ្ញាក់ដល់បងប្អូនប្រជាពលរដ្ឋនៅក្បែរនោះមកចោមរោមមើល។
ក្រោយកើតហេតុបន្តិចកម្លាំងនគរបាលចរាចរណ៍នៃស្នងការដ្ឋាននគរបាលខេត្តដឹកនាំដោយលោក អ៊ុំ សុផល បានចុះមកដល់កន្លែងកើតហេតុ ហើយនាំយកលោកចៅក្រមរូបនោះទៅកាន់មន្ទីរពេទ្យឯកជនទេវិន្ទភ្លាមៗដើម្បីជួយសង្គ្រោះបន្ទាន់រីរថយន្តដែលរងការខូចខាតធ្ងន់ត្រូវបានស្ទូចយកទៅរក្សាទុកនៅការិយាល័យចរាចរណ៍ខេត្ត។
