ខេត្តបន្ទាយមានជ័យ ៖ ប្រភពរាយការណ៍ពីមន្ត្រីតូចតាចបានឱ្យដឹថា លោក យិន ប្រសិទ្ធ ត្រូវបានអោយដឹកនាំ កម្លាំងនគរ បាលសេដ្ឋកិច្ច ក្រសួងមហាផ្ទៃឱ្យចុះធ្វើការស្រាវជ្រាវ បទល្មើសសេដ្ឋកិច្ចក្នុង ខេត្តចំនួន៣គឺ បន្ទាយមានជ័យ សៀមរាប និងឧត្តរមានជ័យ។
លោក យិន ប្រសិទ្ធ បានចាក់តាំងមន្ត្រីនគរបាលគឺ លោក ហុក ចិត្ត្រា អោយធ្វើការគ្រប់គ្រងនិងដឹកនាំកម្លាំងចុះបំពេញភារកិច្ច ជាច្រើនឆ្នាំទៅហើយ ពោលគឺឡើងដុះស្លែសូម្បី តែអ្នកណាក៏មិនអាចធ្វើការប្រជែងយកតំណែងប៉ុស្តិ៏ខ្លាញ់នេះពី លោក ហុក ចិត្ត្រា បានដែរ។ មិនតែប៉ុណ្ណោះ លោក ហុក ចិន្ត្រា ក៏បានបង្កើតកុងត្រូលជជុះនៅពេលយប់ជាច្រើន កន្លែងជាពិសេស គឺនៅតាម បណ្តោយផ្លូវជាតិសំខាន់ៗមកកាន់រាជធានីភ្នំពេញ និងខេត្តសៀមរាបដើម្បីចាំកាក់រថយន្តដឹក ទំនិញ និងរថយន្តដឹកឈើឆ្លងកាត់ អោយចូលបង់លុយតាមរបៀប ពុករលួយ។
ហើយជាគោលការណ៍របស់ក្រសួងមហាផ្ទៃតួនាទីនគរបាលសេដ្ឋកិច្ច គឺចុះធ្វើការស្រាវជ្រាវ បង្ការទប់ស្កាត់ និង បង្ក្រាបអំពើរត់គេចពន្ធគ្រប់ប្រភេទ។ ប៉ុន្តែសំរាប់លោក ហុក ចិត្ត្រានិងលោកយិនប្រសិទ្ឋ បែរជាយកអំណាចលិខិតបេសកកម្មទៅធ្វើជាសែក សំរាប់បើកលុយពីពួកឈ្មួញរកស៊ីដឹកទំនិញ និងដឹកជួនឈើប្រណិតខុសច្បាប់ ដែលឆ្លងកាត់ទឹកដីខេត្តបន្ទាយមានជ័យយ៉ាង កាក់កប់ទៅវិញ ជាការផ្ទុយទៅនិងបទបញ្ជាថ្នាក់លើ។
ពលរដ្ឋជាច្រើនបានសង្កេតឃើញថាទំនិញនាំចូលពីប្រទេសថៃជាច្រើនមុខមាន ទាំងស្របច្បាប់ និង ខុសច្បាប់ត្រូវ បានពួកឈ្មួញនាំចូលយ៉ាងគគ្រឹកគគ្រេង តាមច្រករបៀងនិងច្រកអន្តរជាតិជាច្រើនកន្លែងក្នុងខេត្តបន្ទាយមានជ័យ រៀងរាល់ យប់-ថ្ងៃ ដូចជាម៉ូតូគេចពន្ធ គ្រឿងឧបភោគបរិភោគ គ្រឿងទេស ទំនិញចាប់ហួយ គ្រឿងបន្លាស់រថយន្ត គ្រឿងបន្លាស់ម៉ូតូ គ្រឿងកំប៉ុង ជ្រូកក្រហម មាន់ថៃ និងនៅមានទំនិញផ្សេងៗជា ច្រើនមុខទៀតដែលទាំងនេះ គឺជាប្រភព ចំណូលដ៏ធំរបស់លោក ហុក ចិត្ត្រា សំរាប់ប្រមូលយកទៅធ្វើមានបានផ្ទាល់ខ្លួន និងសំរាប់ បង់ថ្លៃទិញប៉ុស្តិ៏ពី លោក យិន ប្រសិទ្ធិ ៕
