រហូត មកទល់នឹងពេលនេះ ពុំទាន់ មានសញ្ញាណាមួយ ពីលោក ព្រះរាជអាជ្ញាអមសាលាដំបូង រាជធានី ភ្នំពេញ ធ្វើការចោទ ប្រកាន់ទៅ លើឈ្មោះ ប៊ុន រតនៈ ជាកូនលោក ប៊ុនសេរីដែលមាន ឈ្មោះល្បីល្បាញជា មហាសេដ្ឋីប្រចាំសាលារាជ ធានីភ្នំពេញពីបទអ្វីនៅឡើយ ។ ទោះបីជាបានបើករថយន្ត ទំនើបបុកមនុស្ស បណ្តាល ឱ្យរបួស និងស្លាប់ក៏ដោយក៏ពុំទាន់ត្រូវបានចោទប្រកាន់នៅឡើយដែរ ។
ព្រះរាជអាជ្ញាអមសាលា ដំបូងរាជធានីភ្នំពេញ បាន បង្ហាញនូវភាពស្ងៀមស្ងាត់ ក្នុងការចោទប្រកាន់ទៅលើ រូបកូន អតីតមន្ត្រីការិយាល័យហិរញ្ញ វត្ថុដែលបើកបររថយន្តប្រភេទ រ៉ង់រ៉ូវែរ បុករះមនុស្សបីរូប បណ្តាល ឱ្យស្លាប់ ទោះបីជា មានសំណង រដ្ឋ ប្បវេណីទៅ លើក្រុមគ្រួសាររងគ្រោះហើយ ក៏ដោយក៏អ្នកបង្កហេតុនៅតែ ប្រឈមមុខទៅនឹងច្បាប់ចរា ចរណ៍ផ្លូវគោក ដែលបានប្រកាសឱ្យប្រើប្រាស់ជាធរមាន រួចមកហើយនោះដែរ តែបុគ្គលនេះនៅតែមានសេរីភាពដដែល ។
ឈ្មោះ ប៊ុន រតនៈ អាចស្វះស្វែងរកមេធាវីដើម្បី ការពារក្តីរបស់ខ្លួន ហើយ លោកមេធាវីអាច បង់ ប្រាក់ ដើម្បីធានាឱ្យរស់នៅក្រៅឃុំ បាន ដោយស្ថិតនៅក្រោម ច្បាប់បាន កំណត់ ។ នៅពេល ដែលឈ្មោះ ប៊ុន រតនៈ បង្កឱ្យមាន គ្រោះថ្នាក់ចរាចរណ៍បើក រថយន្តបុកអ្នកដំណើរបីរូប ស្លាប់ នៅតាមបណ្តោយផ្លូវ ជាតិលេខ ១ ហើយត្រូវបាន លោកមហាសេដ្ឋី ប៊ុន សេរី ជាឪពុកបានសង សំណងរដ្ឋ ប្បវេណីក្នុងសពមួយនាក់ ១ ម៉ឺនដុល្លារអាមេរិក តែលោក ប៊ុន សេរី បានអះអាងថាបាន សងក្នុង សព មួយរូបតែ ៥លាន រៀលតែប៉ុណ្ណោះ ។
ប្រភពប្រជាពលរដ្ឋបាន សម្តែងយោបល់ឱ្យដឹងផងដែរ ថា ការអះអាងរបស់លោក ប៊ុន សេរី ជាឪពុកថា កូនប្រុស របស់ខ្លួនបើក រថយន្ត នៅពេល ភ្លៀងនោះ មើលពុំឃើញផ្លូវ ច្បាស់ គឺជាការឆ្លើយដើម្បី ដោះបន្ទុក តែប៉ុណ្ណោះ ហើយ ពុំមានការពិតទាំងអស់ ក៏ ប៉ុន្តែ ប្រជាពលរដ្ឋដែលបានឃើញ គ្រោះថ្នាក់ចរាចរណ៍ដោយ ផ្ទាល់ភ្នែកនោះ បាននិយាយ ថា គឺជាសោតនាដកម្មយ៉ាង រន្ធត់មួយគួរ ឱ្យខ្លោចផ្សារបំផុត ហើយក៏បានស្នើសុំឱ្យតុលាការ ផ្តន្ទាទោស ឈ្មោះ ប៊ុន រតនៈ ទៅតាមច្បាប់ ទោះបីមានសំណងរដ្ឋប្បវេណីក៏ ដោយ ក៏មិនត្រូវឱ្យជនបង្កហេតុរូបនេះ រួចផុតពីសំណាញ់ច្បាប់នោះឡើយ ។
សេចក្តីរាយការណ៏ពីមន្ត្រីម្នាក់មានតួនាទីធំគួរសមធ្វើកា រនៅសាលារាជធានីភ្នំពេញ ឱ្យដឹងថា លោក ប៊ុន រតនៈ កូនប្រុសលោក ប៊ុន សេរី ជាជនបង្កដែលបើករថយន្តសេរីទំនើបបុកមនុស្សស្លាប់បីនាក់ នៅផ្លូវជាតិលេខ ១ ពុំត្រូវបានតុលាការចោទប្រកាន់ទៅនឹងច្បាប់ចរាចរណ៍ផ្លូវគោកនោះទេ ថែមទាំងជនបង្កឈ្មោះ ប៊ុន រតនៈ មានសេរីភាពធម្មតាហើយបានចូលមកបម្រើការនៅសាលារាជធានីភ្នំពេញ បានរយៈពេលជាងមួយខែហើយ ដោយពុំខ្វល់ខ្វាយអ្វីទាំងអស់ ហេតុតែឪពុកជាមហាសេដ្ឋីប្រចាំសាលាក្រុង ។ ក្រោយពីមាន គ្រោះថ្នាក់ចរាចរណ៍ដែលបង្ក ឡើងដោយឈ្មោះ ប៊ុន រតនៈ ជាកូនលោក ប៊ុន សេរី នេះ រូបលោក ប៊ុន សេរី បានរត់ការដើម្បី ធានាកូនរបស់លោកឱ្យនៅ ក្រៅឃុំ ។ ក៏ប៉ុន្តែតុលាការ រាជធានីភ្នំពេញពិតជាពុំហ៊ាន ធ្វើការដោះលែងជនល្មើស នេះទេ តែរហូតមកទល់នឹង ពេលនេះសំណុំរឿងរបស់ លោក ប៊ុន រតនៈ នេះពុំត្រូវ បានទម្លាយពីសំណាក់ តុលាការឡើយ ។
ក្រុមអ្នកច្បាប់បានធ្វើការវិភាគថា តុលាការរាជធានី ភ្នំពេញ មិនគួរធ្វើឱ្យមានភាព ស្ងៀមស្ងាត់បែបនេះទេ គឺត្រូវតែធ្វើការ ចោទ ប្រ កាន់ ទៅ តាមផ្លូវច្បាប់ហើយលោក ប៊ុន សេរី អាចជ្រើសរើសមេ ធាវីដើម្បីការពារក្តី កូនរបស់ ខ្លួនហើយក៏អាចបង់ប្រាក់ធ្វើ ការធានា ឱ្យរស់នៅក្រៅឃុំ បានគឺស្របទៅតាមច្បាប់បាន កំណត់ ហើយជនល្មើសនេះ អាចរស់នៅក្រៅឃុំបានដោយសុវត្ថិភាព តែស្ថិតនៅ ក្រោមការឃ្លាំមើលជាប្រចាំរបស់ តុលាការ ហើយនឹងតម្រូវឱ្យ ចូលខ្លួនធ្វើការសាកសួរបាន គ្រប់ពេល ។
ភាពស្ងៀមស្ងាត់ការពុំព្រម ទម្លាយព័ត៌មាននៃការចោទ ប្រកាន់បទល្មើសយោងទៅ តាមច្បាប់ចរាចរណ៍ផ្លូវ គោក នេះត្រូវបាន មជ្ឈ ដ្ឋាន អ្នកច្បាប់ ធ្វើការវាយតម្លៃថា ព្រះរាជ អាជ្ញាមាននីតិវិធីគ្រប់គ្រាន់ ក្នុងការចោទ ប្រកាន់ទៅតាម ច្បាប់ដោយយោងទៅតាមអង្គ ហេតុជាក់ស្តែងនិងអង្គ ច្បាប់ ។
គួររំលឹកផងដែរថា ជន បង្កហេតុឈ្មោះ ប៊ុន រតនៈ ជាកូនបង្កើតលោក ប៊ុន សេរី ប្រធានទីចាត់ការហិរញ្ញវត្ថុ សាលារាជធានី ភ្នំពេញ មាន ទីលំនៅសង្កាត់ទួលទំពូង ខណ្ឌចំការមន រាជធានីភ្នំពេញ បានបើករថយន្ត ប្រភេទរ៉ង់រ៉ូវែរ ពណ៌ខ្មៅ ពាក់ស្លាកលេខ ភ្នំពេញ ២AA-៦៧៧៧ បុកអ្នក ដំណើរឱ្យស្លាប់បីរូបនៅតាម បណ្តោយផ្លូវជាតិលេខ០១ ស្ថិតក្នុងភូមិជ្រោយអំពិល សង្កាត់ក្បាល កោះ ខណ្ឌមានជ័យ កាលពីរសៀល ថ្ងៃទី២០ ខែកក្កដា ឆ្នាំ២០១៣ ត្រូវឡើង តុលាការនាថ្ងៃទី ២៣ កក្កដា ឆ្នាំ២០១៣ តែត្រូវស្ងាត់ រហូតមកទល់នឹងពេលនេះ ព្រះរាជអាជ្ញាអមសាលាដំបូងពុំទាន់បានចាត់ការនៅឡើយ ទំនងជាលោក ព្រះរាជ អាជ្ញាធ្វើការពន្យាពេល ធ្វើការចោទប្រកាន់ ដើម្បីឱ្យជនប្រព្រឹត្ត បទល្មើសបានរួចពីសំណាញ់ច្បាប់ ។ សព្វថៃ្ងនេះលោកប៊ុនរតនៈនៅតែរក្សាតំណែងជាកាន់កាប់ លុយទាំងមូលនៅសាលារាជធានីភ្នំពេញដដែល៕
