ភ្នំពេញ: បុរសម្នាក់បើករថយន្តកាម៊រីបាឡែនពណ៍ខ្មៅមួយគ្រឿង សង្ស័យងងុយដេកងោកមួយភាំង បានរ៉េចង្កូតទៅបុក បុរសដើររើសអេតចាតតាមផ្លូវម្នាក់រងរបួសធ្ងន់ហើយរថយន្ត ជ្រុលបុកបង្គោលភ្លើងបភ្លឺផ្លូវ បណ្តាលអោយទ្រេត រីឯអ្នកបើកបរមិនមានរងរបួស។ ហេតុការណ៍នេះកើតឡើងកាលពីវេលាម៉ោង ១ និង ៤០នាទីរំលងអាធ្រាត ឈានចូលថ្ងៃទី ១៧ សីហា ២០១៦ នៅតាមបណ្តោយផ្លូវ ២៧១ មុខសាលាវិទ្យាល័យជា ស៊ីមសាមគ្គី ស្ថិតក្នុងសង្កាត់ បឹងសាឡាង ខណ្ឌទួលគោក ។
តាមសាក្សីដែលឃើញហេតុ បានឲដឹងថា មុនពេលកើតហេតុ គេបុរសម្នាក់បើកបររថយន្ត កាមរីបាឡែនពណ៍ខ្មៅ ពាក់ស្លាកលេខ ភ្នំពេញ 2S 0556 បើកតាមបណ្តោយផ្លូវ២៧១ ទិសដៅពីជើងទៅត្បូងក្នុងល្បឿនលឿន លុៈមកដល់ចំណុចកើតហេតុ ជាកន្លែងផ្លូវកោង ហើយទំនងជាងោកមួយភាំង រថយន្តបានរ៉េចង្កូតមកស្តាំដៃធ្លាក់ផ្លូវជ្រុលទៅបុករទេះបុរសម្នាក់កំពុងរើសអេតចាយតាមគំនរសំរាមប៊ើងរាយប៉ាយពេញផ្លូវបណ្តាលអោយបុរសរើសអេតចាយ រងរបួសធ្ងន់ ហើយរថយន្តមិនទាន់អស់ល្បឿនក៏ ជ្រុកទៅបុកបង្គោលភ្លើងបំភ្លឺផ្លូវទ្រេត ចំណែកឯរថយន្តវិញបែកកង់ទាំង២ និងខ្ទេចស្រុញមួយំណាត់មុខ ទើបទៅមុខលែងរួច ។ បើតាមសម្តីពីបុរសដែបើករថយន្ត បង្ករវិញ បានឲដឹងថា គាត់ងងុយគេបើកងោកមួយភាំង ព្រោះគាត់បើកបរផ្លូវឆ្ងាយទើបមកពីខេត្ត ដល់ពេលបើកភ្នែកមកវិញស្រាប់តែជួបគ្រោះថ្នាក់បែបនេះតែម្តង ។
ក្រោយពេលកើតហេតុ ម្ចាស់រថយន្តនិងជាអ្នកបើកបរ បង្ករបាន នាំជនរងគ្រោះដោយដឹកតាមម៉ូតូឌុមទៅសង្គ្រោះបន្ទាប់នៅមន្ទីរពេទ្យរ៉ុស្ស៊ី រួចបានត្រឡប់មកកន្លែងកើតហេតុវិញ បន្ទាប់មកសមត្ថកិច្ចបានទៅដល់កន្លែងកើតហេតុ ទាក់ទងទៅជំនាញចរាចរណ៍ក្រុងអោយចុះមកវាស់វែង ស្ទួចយករថយន្តបង្ករ យកទៅកាន់ការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញ ដើម្បីធ្វើការដោះស្រាយគ្នា ។
