បាត់ដំបង៖ផ្លូវក្រាលគ្រួសក្រហម៤៨០០ម៉ែត្រផ្លូវដី៤៨៥០ម៉ែត្រ ក្លោងទ្វាសាលានិងអណ្តូងស្នប់ត្រូវបាន ឯកឧត្តម សុខ ផល អគ្គនាយក នៃ អគ្គនាយដ្ឋានអន្តោប្រវេសន៍បានសម្ភោធដាក់អោយប្រើប្រាស់ កាលពីព្រឹកថ្ងៃទី១៧ ខែសីហា ឆ្នាំ២០១៤ នៅបរិវេណសាលាបឋមសិក្សាចាក់ អង្កាមស្ថិតក្នុងភូមិស្នឹងកើតឃុំស្នឹងស្រុកបាណន់ ។
វត្តមានអញ្ជើញចូលរួមជាកិត្តិយស មានគណៈប្រតិភូអមដំណើរលោកអភិបាលស្រុកបាណន់ កម្លាំងប្រដាប់អាវុធ និងមន្ត្រីអ្នកមុខអ្នកការ ព្រមទាំងប្រជាជនជាច្រើនរយនាក់ ។
លោក ថោង សុគុណ មេឃុំស្នឹងបានអោយដឹងថាផ្លូវថ្នល់កសាងថ្មីសរុប៩ខ្សែមានបណ្តោយប្រវែង១៥០៨៩ម៉ែត្រដាក់លូ៧កន្លែងមានលូសរុប៦៨កង់ចំណាយទឹកប្រាក់អស់៩២២៩០០០០រៀលក្នុងនោះទឹកប្រាក់ប្រជាពលរដ្ឋចូលរួមមាន៣២៦៩០០០០រៀលថវិការក្រុមការងារមាន៦០០៦០០០០រៀលនិងប្រាក់ដុលា្ល២៣០០ដុល្លា។ផ្លូវដី២ខ្សែមានបណ្តោយសរុប ប្រវែង៥៦៥០ម៉ែត្រដាក់លូ៧កន្លែងមានលូសរុប៦៨កង់ចំណាយទឹកប្រាក់អស់៤៩១២០០០០រៀលក្នុងនោះទឹកប្រាក់ប្រជាពលរដ្ឋចូលរួមមាន២៩៦០០០០រៀលនិង១៥០០ដុល្លាថវិការក្រុមការងារមាន៤៦១៦០០០០រៀល។ផ្លូវក្រាលគ្រួសធម្មជាតិ៧ខ្សែមានបណ្តោយមានបណ្តោយ៨៨៨៩ម៉ែត្រចំណាយទឹកប្រាក់សរុប៤៦៦២០០០០រៀលនិង៨០០ដុល្លាក្នុងនោះទឹកប្រាក់ប្រជាជននិងសប្បុរសជន២៦០៤០០០០រៀលនិង១៥០០ដុល្លារ ទឹកប្រាក់ក្រុមការងារសរុប១៣៤៤០០០០រៀលនិង៨០០ដុល្លា ។ ជួសជុលផ្លូវមូលនិធិឆ្នាំ២០១៣ ខូចខាតដោយទឹកជំនន់មានផ្លូវបឹងក្រសាលភូមិស្នឹងលិចជួសជុលក្រាលគ្រួសធម្មជាតិមានបណ្តោយ៧០ម៉ែត្រចំណាយទឹកប្រាក់ប្រជាជន១២០០០០០រៀល។ភូមិស្នឹងលិចចាក់ក្រាលផ្លូវថ្មីបណ្តោយប្រវែង១៣០ម៉ែត្រខ្នងលើ៣ម៉ែត្រកំពស់៣០សង់ទីម៉ែត្រ ចំណាយទឹកប្រាក់ប្រជាជនសរុប៨០០០០០រៀល ។ ភូមិស្នឹងលិចផ្លូវអនុវិទ្យាល័យជួសជុលថ្មីមានបណ្តោយប្រវែង២៨០ម៉ែត្រ ខ្នងលើ៣,៥ម៉ែត្រកំពស់៣០សង់ទីម៉ែត្រ ចំណាយទឹកប្រាក់ប្រជាជនសរុប១៩៥០០០០រៀល ។ ភូមិស្នឹងកើតផ្លូវក្រាលគ្រួសខាងត្បូងវត្តស្នឹងខូចខាតដោយទឹកជំនន់១កន្លែងមានបណ្តោយ៧០ម៉ែត្រជួសជុលអស់ទឹកប្រាក់ប្រជាជនសរុប២៨០០០០រៀលនិងទឹកប្រាក់ស្តារជួសជុលផ្លូវមូលនិធិឆ្នាំ២០១៣សរុបចំនួន៤២៣០០០០រៀល។
ឯកឧត្តម សុខ ផល អគ្គនាយកនៃអគ្គនាយដ្ឋានអន្តោប្រវេសន៍បានអោយដឹងថា ផ្លូវខូចខាតប្រវែង១២គីឡូម៉ែត្រនៅក្នុងឃុំស្នឹងមិនទាន់បានជួសជុលទេ ។ ចំពោះគម្រោងផ្លូវចំនួន២ខ្សែដែលត្រូវជួសជុលបច្ចុប្បន្នប្រជាជនបានជួសជុលធ្វើ១ខ្សែខ្លួនឯងដូច្នេះប្រាក់នៅសេសសល់បានបង្វែមកកសាងក្លោងទ្វាសាលានិងអណ្តូងទឹកស្នប់វិញ ។ ផ្លូវក្រាលគ្រួសក្រហមប្រវែង៤៨០០ម៉ែត្រ ផ្លូវដីប្រវែង៤៨៥០ម៉ែត្រ ក្លោងទ្វារសាលាបឋមសិក្សាចាក់អង្កាម និងអណ្តូងស្នប់ត្រូវបានដាក់សម្ពោធអោយប្រើប្រាស់ចាប់ពីថ្ងៃនេះ។បងប្អូនមានចិត្តចូលរួមចំណែកកសាងសមិទ្ធផលនានាហើយសមិទ្ធផលធំៗខ្លះមិនអាចដោះស្រាយនៅថ្នាក់ក្រោមបានខ្ញុំនឹងរាយការណ៍ជូនរាជរដ្ឋាភិបាលរកដំណោះស្រាយជូនដើម្បីការអភិវឌ្ឍន៍ប្រទេសយើង។ជាចុងក្រោយបានទទូចអោយប្រជាពលករធ្វើប័ណ្ណឆ្លងដែនស្របច្បាប់មុនចេញទៅរកការងារនៅប្រទេសផ្សេង ៕
