ខេត្តបាត់ដំបង ៖ បុរសម្នាក់ ផឹកស្រាស្រវឹង បោះពួយលឿន ត្រង់ផ្លូវបត់កែង បានរ៉េចង្កូតជ្រុលបុក រថយន្តថៃ បណ្តាលឲ្យ ដាច់ផ្ទៃមុខ របេះចេញពីក្បាល ស្លាប់ភ្លាមៗ នៅនិងកន្លែង ។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានកើតឡើង កាលពី វេលាម៉ោង ១២និង៣០នាទីថ្ងៃត្រង់ ទី១៣ ខែសីហា ឆ្នាំ២០១៦នេះ នៅចំណុចផ្លូវកែវ ស្ថិតក្នុង ភូមិកូនភ្នំខាងជើង ឃុំតាស្តា ស្រុកសំពៅលូន ខេត្តបាត់ដំបង ។
ជនរងគ្រោះមានឈ្មោះ នៅ លឹម ភេទប្រុស អាយុ៦៥ឆ្នាំ រស់នៅភូមិកូនភ្នំ ខាងត្បូង ឃុំតាស្តា ស្រុកសំពៅលូន បានជិះម៉ូតូ ចេញពីផ្ទះ ក្នុងបំណងទៅចំការ ប៉ុន្តែមកដល់ចំណុចកើតហេតុ ជនរងគ្រោះបានជិះម៉ូតូ ពីត្បូងមកជើង ត្រង់ផ្លូវបត់កែង ក្នុងល្បឿនលឿន និងស្រវឹងផងនោះ ក៏ជ្រុលចង្កូត ទៅបុករថយន្តថៃ ពេញទំហឹង.បណ្តាលឲ្យដាច់ផ្ទៃមុខ របេះចេញពីក្បាល ស្លាប់នៅកន្លែង កើតហេតុតែម្តង ។
ចំណែកអ្នកបើកបរជាជនជាតិថៃ ឈ្មោះ សារ៉ាវុធ ខាំសិង (สาราวุธคำสิงห้) អាយុ២៨ឆ្នាំ ត្រូវបាន នគបាលអធិការដ្ឋាន ស្រុកសំពៅលូន ឃាត់់ខ្លួន បញ្ជូនទៅអធិការដ្ឋាន ដើម្បីសាកសួរ ។
ចំណែកសាកសពត្រូវបានក្រុមគ្រួសាយកទៅធ្វើបុណ្យតាមប្រពៃណីយ៍។ក្រោយការចុះវាស់វែង នគបាលចរាចរណ៍ បាននាំយក ម៉ូតូនឹងរថយន្ត កើតហេតុ ទៅរក្សាទុកនៅ អធិការដ្ឋាន នគរបាល ស្រុកសំពៅលូន និងរងចាំធ្វើការ ដោះស្រាយ តាមច្បាប់ ៕
