ខេត្តកំពង់ធំ ៖ បើតាមរបាយការណ៍របស់ លោកវរៈសេនីយ៍ទោ ពេជ ថាល់ អធិការដ្ឋានគរបាលស្រុកសន្ទុកបានឲ្យដឹងថា នៅថ្ងៃទី១២ ខែសីហា ឆ្នាំ២០១៦នេះ មានមនុស្ស ចំនួន៣នាក់ ក្នុងថ្ងៃតែមួយ ដោយសពរងគ្រោះទី១.ឈ្មោះ សុប គឹមស្រី ភេទស្រីអាយុ២៤ឆ្នាំ (មានសតិមិនសូវគ្រប់)បានលង់ទឹកស្រះស្លាប់ខណៈនាងចុះទៅបេះផ្កាឈូក ក្នុងស្រះទឹក ក្រោយវត្តក្រយា(ក្រយៀ) ភូមិក្រយា ឃុំក្រយា ស្រុកសន្ទុក ។
ទី២.ឈ្មោះ ឡូ ប៉ុម ភេទប្រុសអាយុ៤៥ឆ្នាំ រស់នៅភូមិថ្មសំលាង ឃុំក្រយា ស្រុកសន្ទុក លង់ទឹកបឹងស្លាប់ខណៈ ស្រវឹងស្រា ចុះងូតទឹកបឹង និងទី៣.ឈ្មោះ ញឹន ចេក ភេទប្រុសអាយុ៤២ឆ្នាំ នៅភូមិផ្លង់ ឃុំទីពោ ស្រុកស្ទុក ស្រវឹងស្រាធ្វើឲ្យគាំបេះដូងស្លាប់ ។
បន្ទាប់ពីសមត្ថកិច្ចធ្វើកោសល្យវិនិច្ឆ័យរួចក៏ប្រគល់សព ឲ្យសាច់ញាតិ យកទៅធ្វើបុណ្យ តាមប្រពៃណីយ៍ ៕
