ខេត្តបាត់ដំបង ៖ គ្រោះថ្នាក់ចរាចរណ៌ដ៏រន្ធត់មួយ បានឆក់យកជីវិតមនុស្ស៣នាក់ ខណះមនុស្សជាច្រើននាក់ទៀត រងរបួសធ្ងន់ស្រាល កាលពីវេលាម៉ោង ៦.00នាទីល្ងាច ថ្ងៃទី១០ ខែសីហា ឆ្នាំ២០១៦ នៅចំណុចក្រុម ៣ ភូមិកញ្ចាំង ឃំុស៊ុង ស្រុកសំឡូត ខេត្ត បាត់ដំបង ដោយសារការប្រើប្រាស់ល្បឿនលឿន ត្រង់ផ្លូវចិន ចាក់ដីខ្ពស់ទាប បណ្តាលអោយរថយន្ត ជ្រុលមកបុក ម៉ូតូម៉ាកDream ពណ៌ខ្មៅ គ្មានផ្លាកលេខ ក្នុងទិសដៅបញ្ច្រាស់គ្នា ។
ជនរងគ្រោះ ដែលស្លាប់បាត់បង់ជីវិត ក្នុងហេតុការណ៍ខាងលើ ទី១ ឈ្មោះ ហីុង សុទីន ភេទស្រី អាយុ ២៣ឆ្នាំ , ទី២ឈ្មោះ រស់ សុឃា ភេទស្រី អាយុ ២៤ឆ្នាំ , ទី៣ ឈ្មោះ អេន សុរ៉ា ភេទស្រី អាយុ ៣ឆ្នាំ អ្នកទាំងបីនាក់ រស់នៅភូមិឃុំកើតហេតុ ជាមួយគ្នា ។ ភាគីបង្ករ ឈ្មោះ ស្នា មិនស្គាល់ត្រកូល ភេទប្រុស អាយុ ២៧ឆ្នាំ ជាអ្នកបើកបរ រស់នៅស្រុកមោងឬស្សី រីឯជអ្នករួមដំណើរ រងរបួសធ្ងន់ស្រាល ចំនួន៦នាក់ទៀត ត្រូវបានគេបញ្ចូនទៅមន្ទីពេទ្យ ដើម្បីសង្គ្រោះបន្ទាន់ ។
ក្រោយកើតហេតុ សមត្ថកិច្ចជំនាញ បានចុះទៅធ្វើកំណត់ហេតុ និងប្រមូលវត្ថុតាងយកទៅរក្សាទុកនៅ អធិការដ្ឋាននគរបាល ស្រុកសំឡូត ដើម្បីរងចាំធ្វើការដោះស្រាយ នាពេលក្រោយ ៕
