ខេត្តកំពង់ធំ ៖ ទំនាស់ព្រំដីមួយកន្លែងដ៏រំរៃត្រូវបានប្រជាពលរដ្ឋ និងអាជ្ញាធ័ររឹះគន់ទៅលើរូប លោក ឡូ វណ្ណារ៉ា ដែលបានធ្វើរបងថ្ម រំលោភយករដ្នដែលពីដើមជាផ្លូវរទេះនិងរំលោភយកដីព្រំអ្នកជិតខាង ដែលមានទីតាំង ស្ថិតនៅក្នុងភូមិ លាបទង ឃុំកំពង់ចិន ស្រុកស្ទោង ខេត្តកំពង់ធំ។
តាមប្រភពពត័មាន ពីប្រជាពលរដ្នបានអោយដឹងថា ឈ្មោះឡូ វណ្ណារ៉ា ជាភាគីរំលោភយកដីផ្លូវរទេះជាដីរដ្ននិងរលោភយកដីព្រំអ្នកជិតខាង១ចំនួន ទោះបីជាមានការហាមឃាត់ពីអាជ្ញាធ័រមូលដ្ឋាន ភូមិឃុំស្រុកជាច្រើនដងក៏ដោយក៏ ឈ្មោះឡូ វណ្ណារ៉ា នេះនៅតែបន្ដការសាងសងដ៏ដែល ជាក់ស្ដែងការសាងសង សំណង់ថ្មនិងរបងថ្ម ទោះបីរគ្មានច្បាប់អនុញាតិក៏ដោយ ភាគីខាងលើនេះនៅតែលួចសាងសង រហូតដល់សព្វថ្ងៃ។
បើតាមប្រភពពត័មានពីភាគីរងគ្រោះ ឈ្មោះ អ៊ឹង អេងលី ភេទស្រី អាយុ៦៥ឆ្នាំ បានអោយដឹងថាក្រុមគ្រួសារគាត់បានមករស់នៅតាំងពីនេះជាង់៥៣ឆ្នាំមកហើយ តែកាលពីខែកុម្ភះ ឆ្នាំ២១៦នេះត្រូវបានភាគី លោក ឡូ វណ្ណារ៉ា លួចចាកគ្រឹះរបងថ្មនៅពេលយប់ ទោះបីភាគីរងគ្រោះ បានហៅអាជ្ញាធ័រភូមិឃុំ ស្រុក ចុះមកហាមឃាតជាច្រើនដងក៏ដោយ ក៏ភាគីរំលោភនៅតែ ធ្វើសកម្មភាពទាំងបំពានដដែល។
ជាមួយនិងការចោតប្រកាន់នេះដែរ លោក ឡូ វណ្ណារ៉ា បានឆ្លើយថាដីនេះគាត់បានកាន់កាប់ជាយូរណាស់មកហើយ ៗការចាក់គ្រឹះរបងថ្មនេះគឺចាក់យកតែត្រឹមព្រំដីរបស់គាត់តែប៉ុណ្ណោះហើយត្រូវភាគីម្ខាងទៀតចោតថា ធ្វើរបងរលោភជញ្ចាំងផ្ទះបើកបង្អួចមិនរួច។
បើយោងតាមសំដីសមត្ថកិច្ចជំនាញភូមិបាលបានបញ្ចាក់ថា ដីទំនាស់ដីដ៏រាំរ៉ៃមួយកន្លែងនេះត្រូវបានអាជ្ញាធ័រភូមិឃុំស្រុកចុះហាមឃាត មិនអោយសាសងរបងថ្មលើចំនុចដីទំនាស់នេះជាច្រើនដងមកហើយ តែ ភាគីរំលោភបំពាន់នឈ្មោះ ឡូ វណ្ណារ៉ា នៅតែបន្ដសាងសងដដែល ដោយសំអាង បងប្រុស ឈ្មោះ ទឹត ហ៊ុង យឺ រស់នៅទីក្រុងភ្នំពេញនិង យកឈ្មោះអភិបាលរងខេត្តកំពង់ធំម្នាក់ យកមកគំរាមភាគីរងគ្រោះ។
ជាក់ស្ដែងកាលពីថ្ងៃទី៩ ខែ សីហាឆ្នាំ២០១៦ ម្សឺលម៉ិញកំលាំងចម្រុះស្រុកស្ទោងសហការជាមួយអនុប្រធានមន្ទីរ សុរិយោដី ខេត្ត គឺលោក កា តំ សូណារិន ចុះមកពិនិត្យនិងហាមឃាត ភាគីរំលោភមិនអោយសាងសងបន្ដតែពួកគេនៅតែមិនស្ដាប់ ម្យ៉ាងវិញទៀតពួកគេបានសងផ្ទះថ្មដោយគ្មានច្បាប់អនុញាតិព្រោះថា ដីនេះគាត់បានរំលោភយកដីផ្លូវរទេះជាដីសម្បត្តិរដ្ន និងរលោភព្រំដីអ្នកជិតខាងទើបខាងមន្ដ្រីជំនាញមិនចេញប្លងកម្មសិទ្ធិ។
ប្រភពដដែលបានបន្ដថា ពាក់ព័ន្ធនិងការរំលោភដីព្រំនិងដីផ្លូវរទេះនេះកំលាំងជំនាញនិងអាជ្ញាធ័រស្រុក កំពុងកសាងសំនុំរឿងបញ្ចូនទៅអាជ្ញាធ័រខេត្តនិងតុលាការដើម្បីចាត់វិធានតាមនិតិវិធីច្បាប់៕
