ខេត្តស្ទឹងត្រែងៈ ឈើប្រណិតចំនួន២៦៥ម៉ែត្រគូបនិង៣៣៤ម៉ែត្រដែលមានគំនរឈើទាំងអស់៨ទីតាំងស្ថិតនៅក្នុងខេត្តស្ទឹងត្រែង ឥឡូវនេះត្រូវបានគណៈកម្មការថ្នាក់ជាតិនិងថ្នាក់ខេត្ត បានបើកពិធីធ្វើការដេញថ្លៃឈើប្រណិតជាលើកទី២ នៅក្នុងសាលាខេត្តស្ទឹងត្រែង មានការចូលរួមដោយ លោកជា ថាវរិទ្ធអភិបាលរងខេត្តស្ទឹងត្រែង និងលោក សួង ម៉េងគា ប្រធានអនុកម្មការដេញថ្លៃលក់ឈើនិងកូនឈើនិងជាអនុរដ្ឋលេខាធិការក្រសួងសេដ្ឋកិច្ចនិងហិរញ្ញាវត្ថុ រួមនឹងមានការចូលរួមពីអង្គភាពប្រឆាំងអំពើពុករលួយព្រមទាំងមន្ត្រីពាក់ព័ន្ធគ្រប់ស្ថាប័នទាំងអស់នៅក្នុងខេត្ត ដោយឃើញថាបានទទួលលទ្ធិផលដំណើរការនៃការដាក់ឪ្យដេញថ្លៃលើកទី២នេះប្រកបដោយភាពរលូននិងបានបញ្ចប់ការដាក់ឪ្យដេញថ្លៃឈើប្រណិតជាលើកទី២នេះ កាលពីព្រឹកថ្ងៃទី៨ ខែសីហា ឆ្នាំ២០១៦ ។
នៅជុំវិញក្នុងរឿងនៃការដាក់ឪ្យដេញថ្លៃឈើប្រណិតខាងលើនោះដែរលោក សួង ម៉េងគា ប្រធានអនុកម្មការដេញថ្លៃលក់ឈើនិងកូនឈើនិងជាអនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ បានប្រាបនៅមុខអ្នកសារព័ត៍មានយើងឪ្យដឹងថា មិនចាំបាច់ពិបាកសម្ភាសន៍លោកធ្វើអ្វីនោះទេ ព្រោះអីឃើញការជាក់ស្តែងទៅហើយ អាជីវករដែលបានមកធ្វើការដាក់ពាក្យដេញថ្លៃឈើទាំងអស់មានចំនួន៤នាក់ដែលថ្លៃយកឈើប្រណិតមានចំនួន២៦៥ម៉ែត្រគូបនិង៣៣៤ម៉ែត្រដែលខាងសមត្ដកិច្ចចម្រុះថ្នាក់ជាតិសហការណ៍ជាមួយមន្ត្រីសមត្ថកិច្ចថា្នក់ខេត្តចុះបង្ក្រាបបានឈើប្រណិតចំនួន៨ទីតាំងក្នុងខេត្តស្ទឹងត្រែង ឥឡូវនេះបានដាក់ឪ្យដេញថ្លៃ។
លោកបានឪ្យដឹងថា ការដាក់ដេញថ្លៃឈើប្រណិតខាងលើនោះឥឡូវនេះបានទៅលើអាជីវករឈ្មោះ គា ភាចដែលរស់នៅខេត្តកំពង់ចាម ។ ហើយចំណែកអាជីវករពីរនាក់ទៀតឈ្មោះតុង ប៊ុនដ៊ី និងឈ្មោះសុខ បួន អ្នកទាំងពីរនាក់នេះរស់នៅក្នុងក្រុងស្ទឹងត្រែង ដោយបានដេញថ្លៃងចាញ់គេ ហើយបានលើកឡើងក្នុងអង្គប្រជុំថា បើមានភាគីខាងណាមិនសុខចិត្តនោះសុំឪ្យឡើងតវ៉ាឪ្យហើយពឋិព្រោះថា លុយដែលអាជីវករដេញថ្លៃឈើមានចំនួន៥០៧លាន៦៨៤ពាន់៩៩៩រៀលដែលបានពីការដេញថ្លៃខាងលើនោះគឺយកទៅប្រគល់ឪ្យខាងមន្ទីរអប់រំយុវជននិងកីឡាខេត្តដើម្បីទុកក្នុងការកសាងសាលារៀនថ្មីនិងជួសជុលសាលារៀនចាស់ដែលទ្រុឌទ្រោមព្រមទាំងមួយចំនួនទៀតជួយទៅដល់កុមារកំព្រា ចាស់ជរាគ្មានទីពឹងពាក់ផងដែរ ។
លោក តុង ប៊ុនស៊ី ដែលជាអាជីវករដេញថ្លៃឈើមួយរូបដែលបានប្រាប់នៅក្នុងសាលាខេត្តស្ទឹងត្រែងថា ក្នុងការដាក់ឪ្យដេញថ្លៃឈើប្រណិតខាងលើនោះ ជាលើកទី២ហើយគាត់បានខិតខំប្រឹងប្រែងដេញថ្លៃដែរក៏ប៉ុន្តែបានចាញ់ដៃខាងដៃគូ ជិតបីលានរៀលឯណ្ណោះ ។ លោកបានបញ្ជាក់ថា ការដេញថ្លៃចាញ់នេះលោកមិនមានចិត្តអាក់អន់ស្រពោនចិត្តអ្វីទេពីព្រោះ នៅក្នុងអង្គប្រជុំសាលាខេត្តនេះមានការចូលរួមទាំងអង្គភាពប្រឆាំងអំពើពុករលួយព្រមទាំងមន្ត្រីពាក់ព័ន្ធគ្រប់ស្ថាប័នដែលបានចូលរួមផងដែរ ទោះបីបើចាញ់គេទុកជាបទពិសោធន៍សម្រាប់ទៅថ្ងៃក្រោយ ហើយក្នុងការដេញថ្លៃឈើខាងលើនេះពិតជាមានតម្លាភាពពិតប្រាកដមែន ។
យោងតាមសម្តីរបស់លោក គា ភាច រស់នៅខេត្តកំពុងចាម ដែលជាអាជីវករបានធ្វើការដេញថ្លៃឈើឈ្នះបានប្រាប់ថា លោកបានដាក់ដេញថ្លៃឈើប្រណិតនេះជាលើកទី២ ហើយលោកបានសម្រេចបង្ខំចិត្តដេញថ្លៃដាក់លុយចំនួន៥០៧លាន៦៨៤ពាន់៩៩៩រៀល ដោយលើសអ្នកផ្សេងទៅដល់១០០លានរៀល ទើបបានគាត់ឈ្នះគេ ។ លោកបានធ្វើការបញ្ជាក់ថា ឈើដែលបានដេញថ្លៃលើកទី២នេះ ច្បាប់កំណត់ឪ្យរយៈពេលមួយខែ ក្នុងការដឹកជញ្ជូនឈើចំនួន៨ទីតាំង ចេញពីខេត្តស្ទឹងត្រែង ដើម្បីយកទៅកែឆ្នៃធ្វើជាគ្រឿងសង្ហារឹមផ្សេងៗនៅខេត្តកំពង់ចាម ហើយក្នុងការដឹកជញ្ជូនឈើខាងលើនោះ បើសិនជាការដឹកជញ្ជូនមានកាតលំបាកដូចជាជាប់ផុងនោះខាងរដ្ឋបាលព្រៃឈើខេត្តស្ទឹងត្រែង ក៏អាចពន្យាពេលឪ្យលោកផងដែរ ។
