កំពង់ធំៈអាជ្ញាធរខេត្តកំពង់ធំ ធ្វើផ្លាស់ប្តូររូបចំលាក់តោថ្មនៅគល់ស្ពនដាក់តោថ្មីវិញ ខណៈដែលតោចាស់បុរាណបានយកទៅព្យាបាលនៅសារៈមន្ទីរជាតិ ។បន្ទាប់មកតោបុរាណនេះត្រូវបានយកទៅតម្កល់នៅសារៈមន្ទីរធម្មជាតិមរតក តេជោ នៅក្នុងខេត្តព្រះវិហារ
ពីធីក្រុងពាលីនេះបានអាជ្ញាធរខេត្តកំពង់ធំ ប្រារព្វធ្វើឡើងនៅព្រឹកថ្ងៃទី០៣ខែសីហាឆ្នាំ២០១៦ នៅត្រង់ចំនុចគល់ស្ពានស្ទឹងសែនដែលជាកន្លែងផ្តល់សោភ័ណភាពនិងជាកន្លែងដាក់តោចាស់បុរាណតាំងយូរលង់ណាស់មកហើយ តែតោចាស់បុរាណនេះត្រូវបានរាជរដ្ឋាភិបាលកម្ពុជាបានយកទៅព្យាបាលនិងជួសជុលឡើងវិញ ឲ្យមានសោភ័ណភាពដូចដើម ពី ព្រោះ តោ ចាស់បុរាណបានពិការដៃស្តាំ និងកាន់រិចរិលស្នាមចំឡាក់ដើម ពីសម៏យបុរាណ។
ឯកឧត្តម អ៊ុតសំអន អភិបាលខេត្តកំពង់ធំបានមានប្រសាសន៏ថា ក្នុងនាមអាជ្ញាធរខេត្តនិងតំណាងឲ្យប្រជាពលរដ្ឋមានសេចក្តីត្រេកអរយ៉ាងក្រៃលែង ដែលក្រសួងវប្បធម៍និងវិចិត្រសិល្បះបានខិតខំយកចិត្តទុកដាក់លើការផលិតរូបតោថ្ម ថ្មីមួយនេះ សម្រាប់យកមកជំនួសតោចាស់វិញ ធ្វើឲ្យខេត្តកំពង់ធំ រក្សាបាននូវសោភ័ណភាពនិងជាជំនឿដល់មុតមាំដល់បងប្ងូន ជាប្រជាពលរដ្ឋក្នុងខេត្ត! ព្រោះថាកន្លងមកអាជ្ញាធរខេត្តក៏ដូចជាមន្ទីរជំនាញបានលេចលឺ នូវពាក្យចចាម អារាម ពីមហាជនមួយចំនួនរាយតម្លៃថា! តោថ្មចាស់ជាតោបុរាណត្រូវបានខេត្តយកទៅលក់ តែឯកឧត្តមអភិបាលខេត្តបានបញ្ជាក់ ទង្វើទាំងអស់នេះគឺមិនមែនជាការពិតទេព្រោះតោថ្មបុរាណមួយនេះ គឺនៅសល់តែមួយប៉ុណ្ណោះ ដែលយកមកពីប្រសាទកោះកេរ ខេត្តព្រះវិហារនិងជាសម្បត្តិបេតិកភ័ណ្ឌរូបី ដ៏កម្រនៅក្នុងប្រទេសកម្ពុជា!ហើយតោថ្មនេះបានយកមកពីប្រាសាទកោះកេរ ខេត្តព្រះវិហារ យកមកតម្កល់នៅខេត្តកំពងធំ ដោយកាលពីមុនខេត្តព្រះវិហារ លាតសន្ធឹង គ្រប់ដណ្តប់ធំណាស់ ទើបតោថ្មបុរាណនេះចៅហ្វាយខេត្តមុនៗយកមកដាក់នៅចំនុគល់ស្ពានកំពង់ធំ។
នៅក្នុងពិធីក្រុងពាលីនេះឯកឧត្តម ជុច ភឿន រដ្ឋលេខាធិការក្រសួងវប្បធម៍ និងវិចត្រសិល្បះមានប្រសាសន៏ថា!តោថ្មថ្មីមួយនេះក្រសួងវប្បធម៍ បានយកពីមកស្រុកត្បែងមានជ័យ ក្នុងខេត្តព្រះវិហារ ដែលមានអាយុៈកាល៨៥៦ឆ្នាំមកហើយ គិតមកដល់បច្ចុប្បន្ននេះ ហើយតោថ្មបុរាណនេះបន្ទាប់ពីព្យាបាលរួចយកទៅតម្កល់នៅសារៈមន្ទីរធម្មជាតិ តេជោ ខេត្តព្រះវិហារ!ក្រៅពីតោថ្មបុរាណនេះ នៅមានចំឡាក់បុរាណជាច្រើនទៀត ដែលក្រសួងបាននឹងកំពង់ចុះប្រតិបត្តិការ ជួសជុល នៅតាមបណ្តាលផ្សេងៗទៀត ដែលរងនូវការបាក់បែក ប្រេះស្រាំ។
