ខេត្តកណ្តាល ៖ មានយុវជនម្នាក់ ត្រូវបានរន្ទះបាញ់ស្លាប់ ហេតុការណ៍នេះ បានកើតឡើង កាលពីថ្ងៃទី០១ខែសីហាឆ្នាំ២០១៦ វេលាម៉ោង១៦.៤៥នាទី នៅត្រង់ចំណុចអូរលលៃ ស្ថិតនៅភូមិតាពេជ ឃុំក្រាំងយ៉ូវស្រុកស្អាង ខេត្តកណ្តាល ។
លោកសេង.សុជាតិអធិការស្រុកបានអោយដឹងថា ជនរងគ្រោះមានឈ្មោះសុក.ភក្រាភេទប្រុសអាយុ១៨ឆ្នាំ(ស្លាប់)រស់នៅភូមិអង្គឃំុក្រាំងយ៉ូវស្រុកស្អាងខេត្តកណ្តាល។
លោកអធិការស្រុកបានបន្តថានៅមុនពេលកើតហេតុខាងលើជនរគ្រោះបានជិះម៉ូតូចេញពីផ្ទះជាមួយឈ្មោះប៉ោ.លីទ្រីដើម្បីទៅដឹកគោនៅកន្លែងកើតហេតុនិងដើម្បីយកទៅផ្ទះវិញស្របពេលនោះមេឃរកកលនឹងភ្លៀងហើយជនរងគ្រោះបានចិះពីលើម៉ូតូសំដៅទៅកន្លែងចងគោក៍មានសម្លេងរន្ទះបាញ់០២ដងស្រាប់តែស្លាប់តែម្តង។
លោកអធិការស្រុកបានបន្តទៀតថាក្រោយពីកើតហេតុសមត្ថកិច្ចបច្ចេកទេសស្រុកចុះទៅធ្វើការត្រួតថាជនរងគ្រោះបានស្លាប់ដោយរន្ទះបាញ់ម៉ែនហើយបានប្រគល់សាកសពជូនក្រុមគ្រួសារធ្វើបុណ្យតាមប្រពៃណី។
