ខេត្តព្រះសីហនុ ÷ នគរបាលមូលដ្ឋានសង្កាត់លេខ3រងរបួសធ្ងន់ធ្ងរខណៈចុះបំពេញភារៈកិច្ចត្រូវបានជនបរទេសដែលជាជនជាតិចិនវាយប្រហារនិងដបស្រាមកលើខ្លួន។ហេតុការណ៌នេះបានកើតឡើងកាលពីវេលាម៉ោង6&00នាទីព្រឹកថ្ងៃទី01ខែសីហាឆ្នាំ2016នៅចំណុចឧតុនិយមហាងយីហោ ស្ប៉ាយដឹបា ស្ថិតក្នុងក្រុមទី26 ភូមិ3 សង្កាត់3 ក្រុង-ខេត្តព្រះសីហនុ។
យោងតាមរបាយការណ៌នគរបាលក្រុងព្រះសីហនុបានឲ្យដឹងថា÷ជនរងគ្រោះមានឈ្មោះ សៅ សំណាង ភេទប្រុស អាយុ33ឆ្នាំ ជាមន្ត្រីនគរបាលប៉ុស្តិ៍រដ្ឋបាលសង្កាត់លេខ3 មានទីលំនៅបច្ចុប្បន្នក្រុមទី11 ភូមិ2 សង្កាត់3 ក្រុងព្រះសីហនុ។ចំណែកជនបង្ករដែលជាជនជាតិចិនមានឈ្មោះ HUANG JINAN ភេទប្រុស អាយុ24ឆ្នាំ មុខរបរបុគ្គលិកសណ្ឋាគា កាស៊ីណូដាយមិនស៊ី ស្នាក់នៅបណ្តោះអាសន្នក្រុមទី30 ភូមិ3 សង្កាត់3 ក្រុងព្រះសីហនុ។
ប្រភពដ៏ដែលបានបន្តទៀតថា÷ករណីឃាតម្មដែលមានស្ថានទម្ងន់ទោសទាក់ទិនទៅនិងមន្ត្រីនគរបាលមូលដ្ឋានខាងលើនេះមុនពេលកើតហេតុមន្ត្រីនគរបាលមូលដ្ឋានសង្កាត់3រូបនេះបានចុះទៅបំពេញភារកិច្ចដើម្បីធ្វើអន្តរាគមន៍ដែលជនសង្ស័យជាជនជាតិចិនខាងលើកំពុងបង្ករការអុកឡុកក្នុងហាងយីហោ ស្ប៉ាដឹបា នោះ។ប៉ុន្តែនៅពេលទៅដល់នោះក៏ត្រូវបានជនសង្ស័យឈ្មោះ HUANG JINAN ជនជាតិចិនរូបនេះបានយកដបស្រាវាយបំបែកហើយក៏បានចាក់ទៅលើលោក សៅ សំណាង មន្ត្រីនគរបាលមូលដ្ឋានពេញទំហឹងបណ្តាលឲ្យរងរបួសធ្ងន់ធ្ងរចំនួន2កន្លែង។
ក្រោយកើតហេតុជនរងគ្រោះត្រូវបានបញ្ជូនទៅកាន់ឃ្លីនិកឯកជនមួយក្នុងក្រុងព្រះសីហនុដោយលោកគ្រូពេទ្យបានដេមុខរបួសរហូតដល់13ថ្នេរនៅលើដើមទ្រូង ហើយបច្ចុប្បន្នជនរងគ្រោះកំពុងសំរាកព្យាបាលនៅឃ្លីនិកខាងលើនេះ។
ចំណែកជនជាតិចិនដែលជាជនដៃដល់ត្រូវបានកម្លាំងនគរបាលឃាត់ខ្លួនភ្លាមៗផងដែរនិងបញ្ជូនទៅកាន់អធិការដ្ឋាននគរបាលក្រុងព្រះសីហនុសាកសួរកសាងសំណុំរឿងបញ្ជូនបន្តទៅកាន់ស្នងការដ្ឋាននគរបាលខេត្តចាត់ការតាមនិតិវិធីផងដែរ។
គួរំលឹកផងដែរថាកន្លងមកជនជាតិចិនតែងតែចូលបាផឹកស៊ីស្រវឹងបើបររថយន្តល្បឿនលឿនដូចហោះ បង្កគ្រោះថ្នាក់ចរាចរមកលើជនជាតិខ្មែររហូតដល់ស្លាប់ជាច្រើនករណីផងដែរ។ដែលករណីទាំងនេះកន្លងមកធ្វើឲ្យពលរដ្ឋអ្នកក្រុងព្រះសីហនុមិនសប្បាយចិត្តនិងសម្តែងការព្រួយបារម្មណ៍ជាខ្លាំងចំពោះជនបរទេសទាំងនោះ។ដូច្នេះពលរដ្ឋអ្នកក្រុងព្រះសីហនុស្នើរសុំឲ្យអាជ្ញាធរដែនដីពិសេសលោក ជួន ណារិន ស្នងការដ្ឋាននគរបាលខេត្តព្រះសីហនុមានវិធានការណ៍ឲ្យបានក្តៅគរគុកនិងមានវិធានការផ្លូវច្បាប់ទៅលើជនបរទេសឲ្យមានប្រសិទ្ធភាពកុំចាប់ហើយដោះលែងនាំឲ្យមន្ត្រីថ្នាក់ក្រោមកំពុងអនុវត្តច្បាប់បាក់ទឹកចិត្ត៕
