ខេត្តបាត់ដំបង ៖ កំលាំងកងរាជអាវុធហត្ថស្រុកសំពៅលូន កាលពីវេលាម៉ោង ៣និង២០នាទីរសៀល ថ្ងៃទី01ខែសីហាឆ្នាំ2016នេះ បាន ចុះល្បាត ក្នុងភូមិសាស្ត្រ លុះដល់ចំណុចភូមិ ស្រឡៅ ជ្រុំ ឃុំសិរីមានជ័យ បានប្រទះឃើញ មុខសញ្ញាចែកចាយគ្រឿងញៀន កំពុងជិះម៉ូតូម្នាក់ឯង ភ្លាមនោះ កំលាំងអហ បានធ្វើការឃាត់ខ្លួន ដើម្បីត្រួតពិនិត្យ ឃើញគ្រឿងញៀន ប្រភេទគ្រាប់ពណ៌ស្លាទុំ អក្សរwyចំនួន198គ្រាប់ និងពណ៌ខៀវចំនួន 02គ្រាប់ សរុប200គ្រាប់ ដាក់ក្នុងកាបូបស្ពាយ។
ជនសង្ស័យឈ្មោះ លៀម រុំ ភេទ ស្រី អាយុ 43ឆ្នាំមុខរបរ មិនពិតប្រាកដ មានទីលំនៅភូមិ អូរកណ្តោល ឃុំអូរស្រឡៅ ស្រុកម៉ាឡៃ ខេត្ត បន្ទាយមានជ័យ រីឯវត្ថុតាងដកហូតបាន រួមមាន គ្រឿងញៀន ប្រភេទគ្រាប់ ពណ៌ស្លាទុំ អក្សwy ចំនួន198គ្រាប់ និងពណ៌ខៀវ ចំនួន02គ្រាប់ សរុប 200គ្រាប់ ម៉ូតូចំនួន01គ្រឿងម៉ាក ហុងដាឌ្រីម សេ125ពណ៌ខ្មៅ ពាក់ ស្លាកលេខ1i8245 ប.មានជ័យ លេខតួ និងម៉ាស៊ីនND125ME9073908 ស៊េរីឆ្នាំ2014 និងទូរស័ព្ទដៃ ចំនួន01គ្រឿង។
បច្ចុប្បន្ន ជនសង្ស័យនិងវត្ថុតាង ត្រូវបានកម្លាំងអហ បញ្ជូនទៅ មូលដ្ឋានដើម្បីសួរនាំ ចាត់ការតាមនីតិវិធី ៕
