ខេត្តបាត់ដំបង ៖ មួយរយៈពេលប៉ុន្មានថ្ងៃជាប់ៗគ្នារហូតមកដល់រសៀលថ្ងៃទី៣១ ខែកក្កដា ឆ្នាំ២០១៦ មានប្រជាពលរដ្ឋ រួមនិងអាជ្ញាធរ ព្រមទាំងព្រះសង្ឃ គង់នៅវត្តបឹងក្រសាល ស្ថិតក្នុងភូមិបឹងក្រសាល ឃុំស្នឹង ស្រុកបាណន់ ខេត្ដបាត់ដំបង បានសម្តែងការភ្ញាក់ផ្អើល រឿងភូតហេតុមួយ ដែបានកើតឡើងទៅលើគ្រួសារមួយ ដោយនៅសុខៗ មានភ្លើងឆេះនេះ ឆេះនោះជាបន្តបន្ទាប់ រហូតបាននាំគ្នាធ្វើពិធីបួងសួង តាមបែបសាសនា ដើម្បីសុំសេចក្តីសុខសប្បាយ។
លោក បឿន សាលឿន ព្រមទាំងភរិយាឈ្មោះ កោក យី ដែលជាម្ចាស់ផ្ទះកើតរឿងចម្លែកនៅរសៀលថ្ងៃនេះផងដែរបានរៀបរាប់ប្រាប់ សារពត៌មានយើងអោយដឹងថា៖នៅក្នុងផ្ទះរបស់គាត់រយះពេលកន្លងមកតែងតែកើតមាន អគ្គីភ័យឆាបឆេះដោយគ្មានមូលហេតុម្តងឆេះផ្ទះបាយ ម្តងឆេះជង្រុកស្រូវ ម្តងឆេះមុងខ្នើយ និងសម្ភារះផ្សេងៗជាច្រើន អោយតែជារបស់ក្នុងផ្ទះពួកគាត់ បើទោះបីជាយកទៅផ្ញើរផ្ទះអ្នកជិតខាងក៍តាមទៅឆេះដែររហូតអ្នកជិតខាង លែងហ៊ានអោយផ្ញើរ។
ប្រភពបន្តថា៖ដោយកើតរឿងឆេះជាបន្តបន្ទាប់ដោយ គ្មានមូលហេតុបែបនេះពួកគាត់បានទៅអោយព្រះសង្ឃមើលឃើញថាដើមហេតុមកពី ម្ចាស់ផ្ទះបានយកលោហះធាតុអ្វីម្យ៉ាងមកដាក់ក្នុងផ្ទះទើបបណ្តាលអោយ កើតមានអគ្គីភ័យបែបនេះ។
ពួកគាត់បន្តថា៖ក្រោយពីព្រះសង្ឃមាន សង្ឃដូកាទើបមានការភ្ញាក់ផ្អើលដែលពួកគាត់បានរើសលោហធាតុម្យ៉ាង ដែលមានរូបរាងជា(ម្កុដ)ដែលមានទំហំ៧ហ៊ុនយកមកទុកនៅលើផ្ទះដោយមាន ការសង្ស័យថាជាមាសទើបយកដុតមើលក្រោយមកក៍កើតមានភ្លើងឆេះនេះ ឆេះនោះជាបន្តរបន្ទាប់រហូតមានការភ្ញាក់ផ្អើលដល់អ្នកស្រុក រួមនិងអាជ្ញាធរមកក្លំមើលឃើញឆេះជាក់ស្តែងតែម្តង។
ហើយកាលពីព្រឹកមិញនេះបាននាំគ្នារៀបចំធ្វើពិធីបួងសួងដើម្បីសុំសេចក្តីសុខសប្បាយថែមទៀតផង៕
