ព្រះវិហារ៖ រថយន្តម៉ាក TUN TRA ពណ៍ទឹកបិច ពាក់ផ្លាកលេខភ្នំពេញ 2R 2274 ១គ្រឿងដឹកឈើលេខ១ប្រភេទឈើគគីចំនួន១២សន្លឹក ដឹកចេញពីភូមិប្រមេលុះមកដល់ចំនុចទទួលចំបក់ ឃុំប្រមេ ត្រូវបានកំលាំងនគរបាលប្រឆាំងបទល្មើសសេដ្ឋកិច្ច សហការជាមួយកំលាំងស្នាក់ការផ្លូវជាតិលេខ៩ ឃាត់សួនាំរកលិខិតដឹកជញ្ជូន ដោយពិនិត្យឃើញថារថយន្តខាងលើដឹកឈើគ្មានលិខិតអនុញ្ញាតពីរដ្ឋបាលព្រៃឈើ ទើបចាប់បញ្ជូនមកស្នងការនគរបាលខេត្តព្រះវិហារ រង់ចាំប្រគល់ជូនរដ្ឋបាលព្រព្រៃឈើ ចាត់ការបន្តទៅតាមនិតិវិធី ។
ប្រតិបត្តិការនេះ បានប្រព្រិតទៅកាលពីវេលាម៉ោង៣នឹង៣០នាទីជិតភ្លឺ ថ្ងៃទី៣០ខែកក្តដា ឆ្នាំ២០១៦ ដឹកនាំបញ្ជាដោយលោក អនុសេនិយ៍ឯក ស៊ី សុគន្ឋា នាយការិយាល័យប្រឆាំងបទល្មើសសេដ្ឋកិច្ចខេត្ត នឹងលោកវិរៈសេនិយ៍ត្រី ស៊ី សុគន្ឋរដ្ឋា ប្រធានស្នាក់ការសន្តិសុខផ្លូវជាតិលេខ៩ ។
លោកអនុសេនិយ៍ឯក ស៊ី សុគន្ឋា បានបញ្ជាក់អោយដឹងថា ដោយបានអនុវត្តតាមបទបញ្ជាលេខ ០២ របស់រាជរដ្ឋាភិបាល នឹងបទបញ្ជាររបស់ឯកឧត្តម ឧត្តមសេនិយ៍ ស៊ី គីរី ស្នងការនគរបាលខេត្តព្រះវិហារជំរុញអោយកំលាំងគ្រប់គោលដៅ យកចិត្តទុកដាក់បង្ក្រាបបទល្មើសសេដ្ឋកិច្ចគ្រប់ប្រភេទ ពិសេសបទល្មើសព្រៃឈើ ក្នុងនាមជាកងកំលាំង ត្រូវប្រកាន់ជាប់ នូវតួនាទីនឹងភារកិច្ចរបស់ខ្លួនអោយបានល្អប្រសើរ។
បច្ចុប្បន្ន វត្ថុតាង មានរថយន្តនឹងឈើចំនួន១២សន្លឹក ត្រូវបានរឹបអូសប្រគល់ទៅអោយ ផ្នែករដ្ឋបាលព្រៃឈើត្បែងមានជ័យ ចាត់ការទៅតាមនិតិវិធី ៕ដោយ អឹម សុខា
