ខេត្តកំពង់ធំ ៖ មានករណីក្មេងអាយុ12ឆ្នាំម្នាក់ ទៅស្ទូចត្រីរអិលជើង ធ្លាក់ស្រះ លង់ស្លាប់ ហេតុការណ៍នេះ កើតឡើង កាលពីវេលាម៉ោង ១២និង០០នាទី ថ្ងៃទី២៧ ខែកក្កដា ឆ្នាំ២០១៦ នៅចំនុចត្រពាំងអណ្ដើក ស្ថិតក្នុងភូមិស្ដុកស្ដម្ភ ឃុំជ្រាប់ ស្រុកសន្ទុក ខេត្តកំពង់ធំ ដោយក្មេងរងគ្រោះឈ្មោះសែ ថេន ភេទប្រុស ១២ឆ្នាំ រស់នៅភូមិឃុំកើតហេតុខាងលើ ។
មូលហេតុ អង្គុយស្ទូចត្រីរអិលធ្លាក់ក្នុងស្រះ ។ សាក្សីដែលឃើញ ហេតុការណ៍ បានប្រាប់អោយដឹងថា មុនពេលកើតហេតុ គេឃើញ កុមារ៉ាម្នាក់នោះ តែងតែ ទៅស្ទូចត្រីដូចរាល់ដងតែមិនដឹងជាយ៉ាងមិចថ្ងៃនេះស្រាប់តែភ្លាត់រអិលជើងធ្លាក់ស្រះលង់ទឹកស្លាប់គួអោយអាណិតក្រោយដឹងថាមានក្មេងលង់ទឹកស្លាប់សមត្ថកិច្ចបានចុះទៅពិនិត្យមើលឃើញថាកុមាររងគ្រោះពិតជាលង់ទឹកស្លាប់ប្រាកត់មែនហើយក៍ប្រគល់សាកសពទៅអោយម្ដាយឪពុកយកទៅធ្វើបុណ្យតាមប្រពៃណីយ៍៕
