ខេត្តបាត់ដំបង ៖ កំលាំងជំនាញនៃអធិការដ្ឋាន នគរបាលស្រុកកំរៀង ខណះកំពុងចុះល្បាត តាមភូមិសាស្ត្រ នាយប់ថ្ងៃទី ២១ ខែកក្កដា ឆ្នាំ២០១៦ លុះមកដល់ចំណុច ក្រុមទី០៤ ភូមិដូង ឃុំបឹងរាំង ស្រុកកំរៀង បានប្រទះឃើញ មុខសញ្ញាសង្ស័យម្នាក់ ដែលកំពុងអង្គុយ ក្នុងផ្ទះតែចំហរទ្វារ លុះពេលឃើញសមត្ថកិច្ច ជនសង្ស័យបានរត់ចូលផ្ទះ យ៉ាងលឿន ។
ដោយមានការសង្ស័យ សមត្ថកិច្ច បានសុំធ្វើការឆែកឆេរ រួចដកហូត បានវត្ថុតាង ដូចជា ៖ ថ្នាំគ្រាប់រាងមូលសំប៉ែត ពណ៌ផ្កាឈូក មានអក្សរបរទេស (WY) នៅជាប់នៃចំហៀង គ្រាប់ថ្នាំនីមួយ ចំនួន១៦០គ្រាប់ ដែលជនសង្ស័យ ច្រកក្នុងថង់ប្លាស្ទិក កឹបមាត់ ពណ៌ខៀវ ចំនួន០១ថង់ ។ ម៉ូតូ០១គ្រឿង ម៉ាកហុងដា រីប៊ែល ពណ៌ខ្មៅ លេខម៉ាស៊ីន TA200 E-0015073 គ្មានស្លាកលេខ និងដែកកេះ ចំនួន៥ និងថង់ប្លាស្ទិក សម្រាប់ច្រកថ្នាំញៀន មួយចំនួន ។
បច្ចុប្បន្ន ជនសង្ស័យនិងវត្ថុតាង កំពុងត្រូវបានសមត្ថកិច្ច កសាងសំណុំរឿង ដើម្បីចាត់ការបន្ត ៕
