ខេត្តកំពង់ធំ ៖ យុវជនម្នាក់ត្រូវរថយន្តបុកស្លាប់ភ្លាមៗនៅនិងកន្លែងកើតហេតុ បន្ទាប់ពីបត់ចូលការរាស់សាំងមួយកន្លែង ។ ហេតុការណ៍គ្រោះថ្នាក់ចរាចរណ៍ គូរអោយរន្ធត់នេះ បានកើតឡើង កាលពីវេលាម៉ោង18និង00នាទីល្ងាច ថ្ងៃទី20ខែកក្កដាឆ្នាំ2016 នៅលើកំណាត់ផ្លូវជាតិលេខ6 (ផ្លូវអាស៊ានថ្មី) ស្ថិតក្នុងភូមិវាំងខាងជើង ឃុំតាំងក្រសាំង ស្រុកសន្ទុក ខេត្តកំពង់ធំ ។
លោក ស៊ីវ វណ្ណា អធិការរងចរាចរណ៍ស្រុកសន្ទុក បានអោយដឹងថា មុនពេលកើតហេតុ រថយន្តរ៉េន រូវើស្លាកលេខ ខម2-8886 ចេញពីជើងទៅត្បូង ហើយគេឃើញ អ្នកជិះម៉ូតូឌ្រីម សង់ C125ពណ៍ខ្មៅស្លាកលេខ កំពង់ធំ1T 0891 ចេញពីត្បូងទៅជើង បញ្ច្រាស់ទិសគ្នា ពេលមកដល់កន្លែងកើតហេតុ គេឃើញ អ្នកជិ:ម៉ូតូបត់ចូលការាស់សាំង ដោយមិនមើលឆ្វេងស្តាំ ធ្វើឲ្យរថយន្តរ៉េនរូវើ ស៊េរីទំនើប ជាន់ហ្វ្រាំងមិនទាន់ បណ្តាលឲ្យបុកពេញទំហ៊ឹង បែកក្បាលធ្លាយខួរ ស្លាប់ភ្លាមៗនៅនិងកន្លែងកើតហេតុ ។
ជនរងឈ្មោះ ប៉ន ប៉ុន ជាសិស្សថ្នាក់ទី11 ភេទប្រុស អាយុ19ឆ្នាំ ទីលំនៅភូមិផ្លុង ឃុំប្រាសាទ ស្រុកសន្ទុក ខេត្តកំពង់ធំ ។ ចំណែកម្ចាស់រថយន្តសេរីទំនើប ត្រូវគេដឹងថា ជាមន្ត្រីជាន់ខ្ពស់ កងរាជអាវុធហត្ថលើផ្ទៃប្រទេស ។ បច្ចុប្បន្ន រថយន្តនិងម៉ូតូ ត្រូវសមត្ថកិច្ចយកទៅរក្សារទុក នៅអធិការដ្ឋាន នគរបាលស្រុកសន្ទុក ដើម្បីដោះស្រាយ ។ រីឯសាកសពជនរងគ្រោះ ឪពុកម្តាយយកទៅធ្វើបុណ្យ តាមប្រពៃណីយ៍ ៕
