ខេត្តកណ្តាល ៖ មានករណី ឆបោកលុយ(Wing) មួយបានកើតឡើង កាលពីថ្ងៃទី១៩.០៧.២០១៦ វេលាម៉ោង ១០.២៥នាទី នៅចំណុចភូមិព្រៃទន្លាប់ ឃុំបែកចាន ស្រុកអង្គស្នួល ខេត្តកណ្តាល ដោយជនរងគ្រោះម្នាក់ ឈ្មោះ ហ៊ួន ចាន់នាង ភេទស្រី អាយុ២២ឆ្នាំ ជនជាតិខ្មែរ មុខរបរកសិករ រស់នៅ ភូមិអង្គតាកូវ សង្កាត់គោករការ ខណ្ឌព្រែកភ្នៅ រាជធានីភ្នំពេញ ត្រូវបានជនសង្ស័យ ០៤នាក់ ឆបោកលុយ តាមWing ក្រោយមកសមត្ថកិច្ច បានធ្វើការ ស្រាវជ្រាវ រហូតឈានដល់ ធ្វើការឃាត់ខ្លួន ជនសង្ស័យទាំងអស់នោះ បានជាបន្តបន្ទាប់ នៅព្រឹក ថ្ងៃទី ២០.០៧.២០១៦នេះ ។
ជនសង្ស័យទី១.ឈ្មោះម៉ៅ ពន្លក ភេទប្រុស អាយុ១៩ឆ្នាំ មុខរបរកម្មករនៅភូមិ បូរីកម្មករ ឃុំបែកចាន ស្រុកអង្គស្នួល ខេត្តកណ្ដាល(ធ្លាប់អប់រំនៅ ប៉ុស្តិ៍ប្រើប្រាស់គ្រឿងញៀន)។ ២.ឈ្មោះសឿម វីរះ ភេទ ប្រុស អាយុ២០ឆ្នាំ នៅភូមិគល់ សង្កាត់ កន្ទោក ខណ្ឌពោធិសែនជ័យ រាជធានីភ្នំពេញ មុខរបរនៅផ្ទះ។ ៣.ឈ្មោះសួគ៌ ចិត្ត្រាភេទ ប្រុស អាយុ១៩ឆ្នាំ នៅភូមិត្រពាំងគល់ សង្កាត់កន្ទោកខណ្ឌពោធិសែនជ័យ រាជធានីភ្នំពេញ មុខរបរកម្មកររោងចក្រ។
៤.ឈ្មោះសោម សុភា ភេទប្រុស អាយុ២១ឆ្នាំ នៅភូមិបែកចាន ឃុំបែកចាន ស្រុកអង្គស្នួល ខេត្តកណ្ដាល មុខរបរ មិនពិតប្រាកដ ។
ចំណែកវត្ថុតាងដកហូតបានរួមមាន ៖
១-ក្រដាស់ Wing វេលុយ ០៣សន្លឹក
២-ទូរស័ព្ទដៃ០៧គ្រឿង (សាំស៊ុងស៊េរិចាស់០៤គ្រឿង.ណូគា ស
C200មួយគ្រឿង ,kA Mobile ០១គ្រឿង និងLG០១គ្រឿង)
៣-ដាវដែកកែច្នៃ០២ដើម
៤-ដំបងឬស្សី០១កំណាត់ប្រវែង
១ម៉ែត្រ
៥-កាំបិតផ្គាក់ផ្លែដែកដងឬស្សី០១
៦-ញញួរដែកដងឈើ ០១
៧-ដែកដាប់ ០១
៨-កាំបិតប៉ាំងតោ០១កូនកាំបិត០១
៩-កន្ត្រៃកាត់ខោអាវ ០១
១០-ដែកឆាបឆាបធំ ០១
១១-ពូថៅ០១
១២-ការបូបសាក់កាដូពណ៌ ០១
១៣-ឧបករណ៍ប្រើប្រាស់គ្រឿង
ញៀនមួយចំនួន ។
ប្រភពសមត្ថកិច្ចប្រាប់ថា មុនកើតហេតុ នៅថ្ងៃទី១៧.០៧.២០១៦ ប្ដីជនរងគ្រោះឈ្មោះយ៉ាន់ សីហាអាយុ១៩ឆ្នាំ ជាងផ្សារដែក បានជិះម៉ូតូចេញពីផ្ទះមិនដឹងចេញទៅណាទេ ។ បន្ទាប់មកជនរងគ្រោះបានតាមរកប្ដីឃើញនៅផ្ទះ របស់ឈ្មោះម៉ៅ ពន្លក ហើយក៍បាននាំប្ដីមកផ្ទះវិញ ពេលទៅដល់ផ្ទះ រំលងប្រហែល ២ម៉ោងប្ដីជនរងគ្រោះ ក៍ចេញពីផ្ទះទៅយកអត្តសញ្ញណបណ្ណ័ ដើម្បីរកការងារធ្វើ តែបាត់រហូត។
លុះដល់ថ្ងៃទី១៩ខែឆ្នាំដដែលជនរងគ្រោះបានតេ ទូរស័ព្ទទៅជនល្មើសឈ្មោះ ម៉ៅ ពន្លក ឲ្យជួយរកប្ដី តែឈ្មោះ ពន្លកតម្រូវឲ្យជនរងគ្រោះ វេលុយតាមWing ចំនួន៥០ដុល្លារ ទើបព្រមជួយរកប្ដីឲ្យ ជនរងគ្រោះបានវេលុយឲ្យ២០ដុល្លារសិន។ តាមរយះលេខទូរសព្ទ័០៩៦.៣៣៣០៣១០(ជនរងគ្រោះ)តេចូលលេខទូរស័ព្ទជនល្មើស ០៩៦.៧៣៩១២១១ក្រោយមកជនល្មើសបានកុហក រហូត ។ លុះដល់ម៉ោង៦.៣០នាទី ល្ងាច ជនល្មើសនិងបក្ខពួក បានតេមកជនរងគ្រោះទារលុយបន្ថែម ៣០ដុល្លារ ទៀត ដោយឲ្យជនរងគ្រោះ យកលុយទៅគប់ចូលក្នុងផ្ទះជនល្មើស តែជនរងគ្រោះមិនធ្វើតាមទេ។
-តាមចម្លើយសារភាពរបស់ជនល្មើសឆ្លើយថា៖ ខ្លួនបានទទួលលុយតាមWing ពីជនរងគ្រោះបានតែ១៨,៥ដុល្លា និងនៅយប់ថ្ងៃទី១៩.០៧.២០១៦ ពួកខ្លួនបានប្រើប្រាស់ថ្នាំញៀន នៅក្នុងផ្ទះឈ្មោះម៉ៅ ពន្លក អស់០២កញ្ចប់តូចតម្លៃ ៥មឺុនរៀល ដោយបានទិញពីឈ្មោះ តាក់ ភេទប្រុស អាយុប្រហែល២៥ឆ្នាំ នៅភូមិបូរីកម្មករ ឃុំបែកចាន ស្រុកអង្គស្នួល ខេត្តកណ្តាល មុខរបរមិនពិត។ ករណីនេះ សមត្ថកិច្ច កំពុងបន្ត ការស្រាវជ្រាវ និងសាកសួរ ចាត់ការ តាមនីតិវិធី ៕
