បន្ទាយមានជ័យ ៖ កម្លាំងកងរាជអាវុធហត្ថ ក្រុងប៉ោយប៉ែត បានធ្វើការឃាត់ខ្លួន មុខសញ្ញាជួញដូរគ្រឿងញៀន ចំនួន៣នាក់ កាលពីរសៀល ថ្ងៃទី១៨ ខែកក្កដា ឆ្នាំ២០១៦ នៅចំណុចភូមិប៉ោយប៉ែត សង្កាត់និងក្រុងប៉ោយប៉ែត ខេត្តបន្ទាយមានជ័យ ។ ជនសង្ស័យដែលឃាត់បានដំបូងឈ្មោះ ចំរើន យូម៉ុង ភេទប្រុស អាយុ២៣ឆ្នាំ ដកហូតវត្ថុតាងថ្នាំប្រភេទមេតំហ្វេតាមីនម៉ាទឹកកចំនួន១កញ្ចប់តូច ស្មើនិង០.៣៣ក្រាម និងទូរស័ព្ទដៃ១គ្រឿង ។
ក្រោយធ្វើការសាកសួររួចមក កម្លាំងអាវុធហត្ថក្រុងបានបន្តឃាត់ខ្លួនជនសង្ស័យបានចំនួន២នាក់បន្ថែមទៀត ១/មានឈ្មោះស្ងួន បូរី ភេទប្រុស អាយុ៣០ឆ្នាំ ២/មានឈ្មោះគី ប៊ុនធឿន ភេទប្រុស អាយុ៤០ឆ្នាំ រស់នៅក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ និងដកហូតវត្ថុតាងមានថ្នាំប្រភេទមេតំហ្វេតាមីនម៉ាទឹកកចំនួន៤កញ្ចប់តូចស្មើនឹង៣.៦៧ក្រាមនិងទូរស័ព្ទដៃ៤គ្រឿងទៀត ។
បច្ចុប្បន្នជនសង្ស័យទាំង៣នាក់ សមត្ថកិច្ចជំនាញ កំពុងត្រូវបាន អាវុធហត្ថក្រុង កសាងសំណុំរឿង ដើម្បីបន្តនីតិវិធី ៕
