យ៉ាងហោចណាស់បុរសម្នាក់បានបាត់បង់ជីវិត បន្ទាប់ពីបញ្ជូន ទៅមន្ទីរពេទ្យ ឯមនុស្ស៣នាក់ផ្សេងទៀត រងរបួសធ្ងន់ស្រាល ក្រោយពីជួបគ្រោះថ្នាក់ចរាចរណ៍រវាងម៉ូតូនិងម៉ូតូ ខណ:ដែលពួកគេបើកបរនៅពេលយប់។ ហេតុការណ៍នេះ កើតឡើងវេលាម៉ោង១០និង៣០នាទីយប់ថ្ងៃទី ១២ ខែកក្ដដាឆ្នាំ២០១៦ស្ថិតក្នុងសង្កាត់ទឹកល្អក់២ ខណ្ឌទួលគោក។
សមត្ថកិច្ចបានអោយដឹងថា ជនរងគ្រោះ ដែលស្លាប់បាត់បងជីវិត មានឈ្មោះ អ៊ុង សុជាតិ ភេទប្រុស អាយុ២១ឆ្នាំ ស្នាក់នៅសង្កាត់ឃ្មួញ ខណ្ឌសែនសុខ។
ប្រភពពីកន្លែងកើតហេតុ បានអោយដឹងថា យុវជនពីរនាក់ ជិះម៉ូតូវ៉ែវ មួយគ្រឿង ស្លាកលេខភ្នំពេញ1BV-2640 តាមបណ្ដោយ ផ្លូវ១៨២ទិសដៅពីកើតទៅលិចលុះមកដល់ចំនុចកើតហេតុកែងផ្លូវ២៥៧បំរុងបត់ឆ្លងផ្លវ ត្រូវបានម៉ូតូមួយគ្រឿងទៀតម៉ាកសង់០១៥ ពណ៍ខ្មៅពាក់ស្លាកលេខភ្នំពេញ1FM-2470 ជិះដោយយុវជន មានគ្នាពីរនាក់ បើកពីលិចទៅកើតយ៉ាងលឿន ចាប់ហ្វ្រាំងមិនទាន់ ជ្រុលទៅបុកពេញទំហឹងបណ្ដាលបោកនិងថ្នល់រងរបួសធ្ងន់បីនាក់និងម្នាក់របួសស្រាល ហើយត្រូវបានរថយន្ត ដឹកយកទៅសង្គ្រោះ ភ្លាមៗផងដែរ។
ក្រោយពីបញ្ជូនទៅដល់មន្ទីរពេទ្យត្រូវបានដាច់ខ្យល់ស្លាប់ម្នាក់ខាងម៉ូតូវ៉ែវ រួចក៍ដឹកបញ្ជូញមកកន្លែងកើតហេតុវិញដើម្បីស្វែងរកសាច់ញ្ញាតិ។
ក្រោយកើតហេតុ សមត្ថកិច្ចមូលដ្ឋាន សហការជាមួយ ជំនាញ ធ្វើវាស់វែងយកមធ្យោបាយពាក់ព័ន្ធទៅកាន់ការិយាល័យចរាចរណ៍ជើងគោកស្នងការាជធានីភ្នំពេញ រង់ចាំធ្វើការដោះស្រាយជាក្រោយ។ ដោយឡែកសពជនរងគ្រោះត្រូវបានសមត្ថកិច្ចប្រគល់អោយសាច់ញ្ញាតិយកទៅធ្វើបុណ្យតាមប្រពៃណី៕
